पोस्टमन महिलेला शिवीगाळ करून मारहाण
पिंपरी (प्रकाश इगवे) : पोस्टमन महिलेला शिवीगाळ करून मारहाण केली. या प्रकरणी माय लेकीच्या विरोधात पोलिसांनी गुन्हा दाखल केला. प्राधिकरण निगडी येथे शुक्रवारी ही घटना घडली. चंद्रशीला बनसोडे (वय २७, रा. प्राधिकरण, निगडी) यांनी निगडी पोलीस ठाण्यात फिर्याद दिली. त्यानुसार, मंगल प्रियेश विडू (वय ५०, रा. प्राधिकरण, निगडी) आणि तिची मुलगी (नाव माहिती नाही) या दोघींच्या विरोधात पोलिसांनी गुन्हा दाखल केला. पोलिसांनी दिलेल्या माहितीनुसार, फिर्यादी महिला शुक्रवारी प्राधिकरण निगडी येथें पोस्टातील पत्र वाटपाचे सरकारी कर्तव्य पार पाडत होत्या. त्यावेळी काहीही कारण नसताना आरोपी मायलेकींनी संगनमत करून फिर्यादी महिलेला शिवीगाळ केली. तसेच धमकी देऊन मारहाण केली. अंगावर धावून येऊन आरोपींनी सरकारी कामामध्ये अडथळा निर्माण केला, असे फिर्यादीत नमूद आहे.
About The Author
