राष्ट्रीय मतदार दिनाची शपथ नायब तहसीलदार डॉ. अदमुलवाडनी कर्मचाऱ्यांना दिली शपथ

महागाव (राम जाधव) : भारतीय निवडणूक आयोगाच्या सूचनेनुसार सोमवार ता. २५रोजी सकाळी ११.३० वाजता येथील तहसिल कार्यालयात राष्ट्रीय मतदार दिनानिमित्त तहसिल कार्यालयातील कर्मचाऱ्यांना शपथ दिली. नायब तहसीलदार डॉ संतोष अदमुलवाड शपथेचे वाचन केले.या वेळी कार्यालयातील कर्मचारी उपस्थित होते. ता. २५ जानेवारी रोजी राष्ट्रीय मतदार दिवस साजरा करण्याच्या सूचना प्राप्त झाल्याने१८वर्ष झालेल्या नवीन तरुण मतदारांचा मतदार यादीत समावेश करणे त्याचा मतदार प्रक्रियेत सहभाग वाढविणे हा या कार्यक्रमाचा मुख्य उद्देश होता.राष्ट्रीय मतदार दिवशी लोकशाहीवर निष्ठा ठेवण्याची शपथ सर्व मतदारांना दिली जाते.त्याचाच भाग म्हणून सोमवारी २५जानेवारी रोजी सकाळी साडे अकरा वाजता तहसिल कार्यालयात राष्ट्रीय मतदार दिवसासाठी शपथ घेण्यात आली.नायब तहसीलदार डॉ संतोष अदमुलवाड यांनी शपथेचे वाचन केले त्या पाठोपाठ तहसिल मधील कर्मचाऱ्यांनी व उपस्थित नागरिकांनी वाचन केले.यावेळी तहसिलचे कर्मचारी राजू वैद्य, गरड सर, हातमोडे सर,तलाठी वाघमारे, चव्हाण सर, मारोती पाईकराव सर यांच्या सह कार्यालयातील कर्मचारी उपस्थित होते.