लोकप्रशासन विषयाचा राष्ट्रीय वेबिनार संपन्न

किल्लेधारूर (प्रतिनिधी) : किल्लेधारूर येथील मराठवाडा शिक्षण प्रसारक मंडळाचे कला वाणिज्य विज्ञान महाविद्यालय व लातूर येथील दयानंद कला महाविद्यालय यांच्या संयुक्त विद्यमाने दिनांक 07 फेब्रुवारी 2022 रोजी एक दिवसीय राष्ट्रीय वेबिनार संपन्न झाला वेबिनारच्या उद्घाटन समारंभाच्या अध्यक्षस्थानी महाविद्यालयाचे प्रभारी प्राचार्य प्रोफेसर डॉक्टर दीपक भारती व दयानंद कला महाविद्यालय लातूर येथील प्राचार्य प्रोफेसर शिवाजी गायकवाड तर उद्घाटक म्हणून प्राध्यापक राकेश राणा गाजियाबाद यांची विशेष उपस्थिती होती सुरुवातीला भारताची गानकोकिळा लता मंगेशकर यांना श्रद्धांजली अर्पण करण्यात आली नंतर राष्ट्रीय वेबिनारचे प्रास्ताविक प्राचार्य प्रोफेसर दीपक भारती यांनी केले. दीपक भारती यांनी सामाजिक शास्त्र विषयातील प्राध्यापकांसाठी उपयुक्त असलेला संशोधन पद्धतीचा विषय आम्ही सर्वांच्या निकडीचा व महत्त्वाचा असल्याचे मत व्यक्त केले पुढे बोलताना ते असे म्हणाले की हे महाविद्यालयाचे सुवर्णमहोत्सवी वर्ष असल्यामुळे या वर्षात आम्ही विविध कार्यक्रम राबविणार आहोत असे म्हणाले उद्घाटक म्हणून बोलत असताना प्राध्यापक राकेश राणा यांनी सामाजिक शास्त्रातील संशोधकांनी समाज सद्यस्थितीत कोणत्या सामाजिक समस्यांना सामोरे जात आहे त्या सामाजिक समस्यांचा विषय म्हणून आपल्या संशोधनामध्ये सहभाग करणे काळाची गरज असल्याचे मत व्यक्त केले तसेच ते असे म्हणाले की संशोधन हे प्रत्यक्ष क्षेत्र भेटीवर जाऊन माहिती व तथ्य संकलन करून वस्तुनिष्ठ संशोधन होऊ शकते असे मत व्यक्त केले या वेबिनारचे दुसरे वक्ते प्रोफेसर नरेन सिन्हा यांनी संशोधनामध्ये एम एस एक्सल आणि संख्याशास्त्राचा कशा पद्धतीने चांगला वापर करता येऊ शकतो यावर आपले मार्गदर्शन केले त्याने संशोधन पद्धती च्या विविध पायऱ्यावर चांगले संशोधन करण्याच्या अनुषंगाने काय काय खबरदारी घेतली पाहिजे याचे सविस्तर विश्लेषण केले या वेबिनारचा अध्यक्षीय समारोप दयानंद कला महाविद्यालय लातूर चे प्राचार्य डॉक्टर शिवाजी गायकवाड यांनी केला ते पुढे बोलताना असे म्हणाले की मराठवाडा शिक्षण प्रसारक मंडळाचे कला वाणिज्य विज्ञान महाविद्यालय किल्लेधारुर व आमच्या महाविद्यालयाने संयुक्तपणे राबवलेला हा उपक्रम निश्चितच स्तुत्य असा आहे आजच्या कोरोना च्या काळात ऑनलाइन झूम प्रणालीच्या माध्यमातून सामाजिक शास्त्रातील प्राध्यापकांच्या संशोधनाला वैज्ञानिक बनवण्याच्या दृष्टीने हा उपक्रम निश्चितच उपयुक्त व महत्त्वपूर्ण असल्याचे मत व्यक्त केले यावेळी पूर्ण देशभरातून जवळपास 80 सहभागी प्रतिनिधी ऑनलाईन स्वरूपात जॉईन झाले होते या वेबिनारचे सूत्रसंचालन प्राध्यापक स्फुर्ती समुद्रे ,पाहुण्याचा परिचय डॅा.शिवशंकर कसबे यांनी तर आभार प्रदर्शन प्राध्यापक डॅा.रामेश्वर खंदारे यांनी केले या कार्यक्रमाच्या यशस्वितेसाठी दोन्ही महाविद्यालयातील लोकप्रशासन विभागाचे प्राध्यापक व विद्यार्थी यांनी विशेष परिश्रम घेतले .