हरभरा विक्री साठी ऑनलाईन नोंदणी प्रक्रीया सुरु

उदगीर (प्रतिनिधी) : येथील स्व. रामचंद्रराव पाटील तळेगावकर सहकारी खरेदी विक्री संघाच्या वतीने नाफेड अंतर्गत हरभरा (चना) खरेदी करण्यात येणार असून ही खरेदी करण्यासाठी ऑनलाईन प्रकियेद्वारे नोंदणी चालू झाली आहे. तरी सर्व शेतकर्यांनी या योजनेचा लाभ घ्यावा असे आवाहन खरेदी विक्री संघाचे चेअरमन भरत तुकाराम चामले यांनी केले आहे. स्व. रामचंद्रराव पाटील तळेगावकर सह खरेदी विक्री संघ शेतकर्यांच्या हितासाठी काम करणारे असून या संघाच्या माध्यामातून शेतकर्यांना न्याय देण्याची भूमीका आहे. या संघाच्या माध्यामातून नाफेड अंतर्गत शेतीमाल खरेदी प्रक्रिया वेळोवेळी राबविण्यात येते. सध्या हरभरा (चना) खरेदीची प्रक्रीया चालू होणार आहे. यासाठी शेतकर्यांची ऑनलाईन नोंदणी करणे आवश्यक आहे. या नोंदणीनंतर क्रमानुसार शेतकर्यांच्या मालाची खरेदी संघामार्फत केली जात आहे. तरी शेतकर्यांनी या योजनेअंतर्गत हरभरा (चना) विक्री साठी खरेदी विक्री संघाच्या कार्यालयात नोंदणी करुन आपला माल खरेदी विक्री संघाकडे विक्रीसाठी आणावा असे आवाहन खरेदी विक्री संघाचे चेअरमन भरत तूकाराम चामले यांनी केले आहे.