१ लाख ७३ हजार रुपये किमतीचे सोन्याचे दागिने चोरीला

पुणे (रफिक शेख) : सातववाडी हडपसर येथील बंद घर फोडून अज्ञात चोरट्याने ६.६ तोळ्याचे सोन्याचे दागिने व घरातील रोख रक्कम १५ हजार रुपये पोबारा केला. ही घटना २२ फेब्रुवारी सकाळी साडेनऊच्या सुमारास घडली. याप्रकरणी हडपसर पोलीस ठाण्यात अज्ञात चोरट्याविरोधात गुन्हा नोंदविण्यात आला आहे. फिर्यादी शहनाज गफार शेख यांचे बंद घर पाहून चोरट्याने दरवाज्याचे कुलूप तोडून घरात प्रवेश केला. कपाटात ठेवलेले १५ हजार रोख रुपये व १ लाख ७३ हजार रुपये किमतीचे सोन्याचे दागिने असे मिळून जवळपास १ लाख ८८ हजार रुपयांचा ऐवज चोरून नेला. घटनेचा तपास सहायक पोलीस निरीक्षक शिंदे करीत आहेत.