अन् तो ऑल आऊट राऊंडमध्ये सापडला

पुणे (रफिक शेख) : गुन्हेगाराची तपासणी करण्यासाठी पोलिसांनी सोमवारी रात्री ऑल आऊट ऑपरेशन आयोजित केले होते. त्यावेळी मांढरदेवी यात्रेतून विक्रीसाठी कोयते घेऊन आलेला सराईत सोहेल यासीन शेख (वय २७, रा. भवानी पेठ) याला पोलिसांनी ताब्यात घेतले. त्याच्याकडून ८ कोयते जप्त केले. ऑपरेशन ऑल आऊटमध्ये खडक पोलीस ठाण्याचे तपास पथक गुन्हेगार तपासणी करताना पोलीस अंमलदार संदीप तळेकर व हिंमत होळकर यांना सोहेल शेख हा जुना मोटर स्टँडजवळ उभा होता. त्याच्या हातात पिशवी होती. वरिष्ठ पोलीस निरीक्षक श्रीहरी बहिरट यांच्या सूचनेनुसार खबरदारी घेत सोहेलला पकडले. त्यांच्याकडील पिशवीत ८ कोयते मिळाले. त्याने हे कोयते मांढरदेवी यात्रेत खरेदी केले होते. विक्रीसाठी तो हे घेऊन आला होता.