गुरव समाज संघटनेच्या वतीने गुणवंताचा सत्कार

उदगीर (प्रतिनिधी) : प्रतिवर्षा प्रमाणे श्रावण महिण्यात गुरव समाज संघटनेच्या वतीने गुणवंत विद्यार्थी-विद्यार्थिनी व आदर्श शिक्षक व शिक्षिकाचा सत्कार समारंभ शंकरअप्पा मठ संस्थानच्या सभागृहात पार पडला.
कार्यक्रमाच्या अध्यक्षस्थानी दिलीप मुरलीधर पाटील हे होते.तर प्रमुख पाहुणे म्हणून अखिल भारतीय गुरव समाज संघटनेचे महाराष्ट्र राज्य मानद अध्यक्ष श्रीमंत बापूराव सोनाळे-पाटील, संदेश लक्ष्मणराव बोरोळकर, रंगनाथ नाईकवाडे आदींजण उपस्थित होत.
कार्यक्रमाची सुरूवात गुरव समाजाचे गुरू श्री.संत काशिबा महाराज यांच्या प्रतिमेचे पुजन अध्यक्ष व प्रमुख पाहुण्यांच्या हस्ते पुजन करून करण्यात आले.
कार्यक्रमाचे प्रास्तविक पत्रकार नरेश बिरादार वंलाडीकर यांनी केले.तर आभार प्रदर्शन शिवसेनेचे माजी शहरप्रमुख कैलास मुरलीधर पाटील यांनी मानले.
यावेळी गुणवंत विद्यार्थी-विद्यार्थिनी इयत्ता १० वी.गुणवंत कु.वैदेही जगदीश येरोळकर, हर्षदीप सदानंद कुलकर्णी, पाटील साक्षी प्रल्हाद, जाहुरे शशांक प्रविण, हिप्परगे अविनाश प्रभाकर, इयत्ता १२वी.गुणवंत पाटील प्रितम प्रभाकर, जावरे संयोगिता संजीव, शिरूरे श्रद्धा दिपकांत, तसेच गुणवंत शिक्षक-शिक्षिका कुलकर्णी सदानंद माधवराव, सौ.ज्योती गंगासागर बिरादार, सौ.सरोजा सुधारक शिरूरे-आलमले, सौ.संगिता विजयकुमार सोनाळे-बिरादार, बिरादार भगवान विश्वनाथ यांचा शाल, श्रीफळ, प्रमाणपत्र व पुष्पगुच्छ देवून सन्मान करण्यात आला.