शास्त्री विद्यालयाच्या शिरपेचात आणखी एक मानाचा तुरा

उदगीर (एल.पी.उगीले) : “भूगोल प्रज्ञाशोध परीक्षा” या राज्यस्तरीय परीक्षेत स्वप्नील धनाजी बेम्बरे हा लालबहादूर शास्त्री माध्यमिक विद्यालय उदगीरचा विद्यार्थी, बनबरे स्वप्निल धनाजी महाराष्ट्रातून 23व्या क्रमांकावर गुणवत्ताधारक झाला आहे.

तो इयत्ता दहावी या वर्गात शिकत असून, त्याला 100 पैकी 100 गुण प्राप्त झाले आहेत.श्रद्धा पाटील, केदार वाघमारे व सर्व भूगोल शिक्षकांचे त्याला मार्गदर्शन लाभले आहे. विद्यालयाच्या वतीने त्याचा सत्कार मुख्याध्यापक तथा केंद्रीय कार्यकारणी सदस्य बाबुराव आडे यांच्या हस्ते करण्यात आला. याप्रसंगी उपमुख्याध्यापक अंबादास गायकवाड, पर्यवेक्षक बलभीम नळगिरकर हे उपस्थित होते.

याप्रसंगी स्थानिक समन्वय समितीचे अध्यक्ष मधुकरराव वट्टमवार,कार्यवाह तथा केंद्रीय कार्यकारणी सदस्य शंकरराव लासुणे,शालेय समिती माध्यमिकचे अध्यक्ष सतनप्पा हूरदळे यांनी या विद्यार्थ्याचे कौतुक केले आहे.