लातूर प्रादेशिक परिवहन कार्यालयाकडूनवॉकेथॉन रॅली संपन्न

लातूर (एल.पी.उगीले) : प्रादेशिक परिवहन कार्यालय, लातूर तसेच शहर वाहतुक शाखा, महाराष्ट्र राज्य मार्ग परिवहन महामंडळ, दक्ष अॅकडमी, पोलिस दल यांच्या संयुक्त विदयमाने जिल्हा क्रिडा संकूल ते राजीव गांधी चौक या मार्गावर 17 जानेवारी 2023 रोजी सकाळी 06:45 वाजता वॉकेथॉन रॅलीचे आयोजन करण्यात आले होते.
यावेळी रॅलीचे उदघाटन उप प्रादेशिक परिवहन अधिकारी विजय चिंतामणी भोये यांच्या हस्ते हिरवा झेंडा दाखवून करण्यात आले. त्यावेळी अशितोष बारकुल, समिर सय्यद,मो.वा.नि. श्रीमती. सविता पवार मो. वा. नि. सचिन बंग, मो.वा.नि शांताराम साठे मो.वा.नि, कोरवले मो.वा.नि. सुनिल शिंदे मो.वा.नि. डी.के.लोढे, वसंत भिसे, उमेश सांगळे, आर.जी. कुलकर्णी, सी.एस. वाघमारे, ड्राईव्हिंग स्कूल चालक, मालक अदि या रॅलीमध्ये सर्वांनी उत्स्फुर्त सहभाग नोंदविला होता. या रॅलीमध्ये शाळेच्या लहान मुलांचा सहभाग होता. तसेच क्रिडा संकुलमधील लोकांनीही उत्स्फुर्त सहभाग नोंदविला.या रॅलीत जवळपास 300 लोकांनी सहभाग नोंदविला होता.
या रॅलीमध्ये जन-जागृती करण्यासाठी विविध स्लोगन सडक सुरक्षा -जीवन रक्षा, वाहतूकीचे नियम पाळा-अपघात टाळा, रस्ता ही तुमचाच, वेळ ही तुमचीच, वाहन चालविताना घाई केली तर मृत्यु ही तुमचाच, मनाचे ब्रेक-उत्तम ब्रेक, वेग कमी-जीवनाची हमी, वाहन चालविण्याची अति घाई-संकटात नेई, लक्ष रोडकडे असू द्या- फोनकडे नको, अशा घोषणांव्दारे जनजागृती करण्यात आली. वाकेथॉन रॅलीचे समारोप क्रिडा संकुल येथे करण्यात आला.