गटशिक्षणाधिकारी शेख यांचा प्रहार पक्षाच्या वतीने सत्कार

उदगीर (एल. पी. उगीले) : उदगीर पंचायत समितीचे नूतन गटशिक्षणाधिकारी कासिमसाब शेख यांचे स्वागत आणि यथोचित सत्कार प्रहार जनशक्ती पक्ष यांच्यावतीने करण्यात आला आहे. या सत्कार प्रसंगी प्रहार जनशक्ती पक्ष लातूर जिल्हा उपप्रमुख विनोदभाऊ तेलंगे, प्रहार जनशक्ती पक्षाचे उदगीर विधानसभा अध्यक्ष सूर्यभान चिखले, उदगीर तालुकाध्यक्ष रविकिरण बेळकुंदे, उपाध्यक्ष महादेव मोतीपवळे, गट संसाधन केंद्रातील केंद्रप्रमुख बालाजी धामणसुरे, तसेच शिक्षक बांधव व कार्यालयीन कर्मचारी मोठ्या संख्येने उपस्थित होते.

उदगीर ही शिक्षण पंढरी आहे या तालुक्यात शिक्षण दर्जेदार दिले जावे यासाठी गटशिक्षणाधिकाऱ्यांनी व्यक्तिशः लक्ष देणे गरजेचे आहे. सध्या शिक्षणाचा बाजार होत असल्यामुळे यातून गोरगरीब विद्यार्थ्यांची पिळवणूक होत आहे. हे कुठेतरी थांबले पाहिजे. यासाठी शैक्षणिक पातळीवर वरिष्ठ अधिकारी पातळीवर होणे गरजेचे आहे. असे विचार विनोदभाऊ तेलंगे यांनी व्यक्त केले. कार्यक्रमाचे प्रास्ताविक, सूत्रसंचालन व आभार प्रदर्शन रविकिरण बेळकुंदे यांनी केले.