सेवानिवृत्त डीवाएसपी दत्तात्रेय भालेराव यांचे निधन

अहमदपूर (गोविंद काळे) : सेवानिवृत्त डीवाएसपी दत्तात्रेय भालेराव यांचे दि.१८ मे रोजी पहाटे रुबी हॉस्पीटल पुणे येथे निधन झाले आहे.
याबाबत अधिक माहिती अशी की, येथुन जवळच असलेल्या चेरा येथील सेवानिवृत्त डीवाएसपी डी. व्ही भालेराव यांचे दि. १८ मे रोजी पहाटे रुबी हॉस्पीटल पुणे येथे निधन झाले आहे. अतिशय प्रतिकुल परिस्थितीत त्यांचे भाऊ स्वर्गीय नारायण भालेराव यांनी त्यांचे शिक्षण पूर्ण केले त्यांच्यावर आंबेडकरवादी विचारसरणीचा प्रभाव होता. कै.दतात्रेय भालेराव यांचे चेरा येथील प्राथमिक शाळेत शिक्षण सुरू झाले. नारायणराव भालेराव यांची स्वाभिमानी व सामाजिक अन्याय सहन न करण्याची बाणी वृतीमुळे त्यांनी स्वयंमपूर्तता यावी म्हणून चेरा हे गाव सोडण्याचा 55 ते 60 वर्षांपूर्वी निर्णय घेतला व त्यांचे सर्व कुटूंबीय चंद्रपूर जिल्हा व आंध्र प्रदेश च्या सिमावर्ती गावात वस्ती करण्यासाठी गेले. तेथे जमीनी मिळवल्या पण त्याकाळी त्यांची साधारण 15 वर्षे शासनातर्फे भरपूर ससेहोलपट त्रास झाला व त्यांना अस्थिरतेचा कायम सामना करावा लागला.अशी परिस्थिती असतेवेळी सुद्धा नारायणरावानी भाऊ दतात्रेय व शामराव यांचे शिक्षणात खंड पडू दिला नाही व दुर्लक्ष केले नाही. दतात्रेय भालेराव यांना जांब येथील निती निकेतन विद्यालयात प्रवेश व तेथील बोर्डींग मधे प्रवेश घेतला व दहावी चे शिक्षण पूर्ण केले.त्यानंतर दतात्रेय भालेराव यांचे चंद्रपूर/नागपूर येथे पुढील शिक्षण झाले. यांचे शिक्षण सुरू असताना त्यांच्या कुटुंबास काही प्रमाणात स्थिरता येवून ते केकेझरी ता. जिवती जि.चंद्रपूर येथे कायम/तात्पुरते स्थिरावले व तेथेच शेती करत राहिले, तेथेच त्याच जमीनीत त्यांचे वडील स्व. विठ्ठलराव भालेराव ( फार मेहणती वृतीचे ) विसावले व त्याची समाधी पण केकेझरीत आहे.दतात्रेय भालेराव यांचे शिक्षण झाल्यानंतर नोकरी मिळविण्यासाठी धडपड सुरू झाली यासाठी नारायणराव भालेराव जातीने लक्ष घालत होते. दतात्रेय भालेराव यांना एसटी महामंडळात नोकरी मिळाली, पण त्यांनी त्यात समाधान म्हणून स्वस्थ बसले नाहीत, अभ्यास करून लोकसेवा आयोगाची परीक्षा देवून पी.एस.आय. झाले. केकेझरी येथे पण प्रशासनातर्फे थोडी आस्थिरता होत असल्यामुळे त्यांचे कुटूंब लोणी ता. किनवट जि. नांदेड येथे स्थिरावले व सध्या ते तेथे कायम वास्तव्यास आहे. अशा परिस्थतीतही दतात्रेय भालेराव यांनी त्यांच्या कुटूंबियाना शिक्षणापासून दूर होऊ दिले नाही. आज त्यांचे पुतणे, नातू , जावई सून हे सर्व उच्चशिक्षीत आहेत , कोणी पीएचडी प्राध्यापक , शिक्षक, डॉक्टर, इंजिनीअर, राजकारणी , ड्रायव्हर असे अनेक प्रकारचे कामावर स्थिरावून आनंदी दिवस जगत आहेत. दतात्रेय भालेराव हे पी.एस.आय. ते डि.वाय.एस.पी. असा नोकरीतील प्रवास करून नागपूर कामठी डिव्हीजन येथून सेवानिवृत होऊन नांदेड वास्तव्यास होते. त्यांनी कोरोनाशी झुंज देवून कोरोनावर मात्त केलेली होती परंतु शरीरानी त्यांना साथ दिली नाही त्यांचे निधन झाले.