शेतातील बांबू (येळू) चे झाडे जाळुन जिवे मारण्याची धमकी

अहमदपूर (गोविंद काळे) : येथुन जवळच असलेल्या माळेगाव खुर्द येथील एका शेतकऱ्याच्या शेतातील बांबू ( येळू ) चे झाडे जाळुन टाकल्याची घटना घडली.
याविषयीची अधिक माहीती अशी की, माळेगाव खुर्द येथील शेतकरी मनोरथ शेळके यांनी अहमदपूर पोलिस स्टेशनला दिलेल्या तक्रार अर्जात माझे नावे असलेल्या गट नं . 142 मधील शेतामधील बांधावरील पाच ते सहा हजार नग बांबू ( येळू ) ज्याची अंदाजे किंमत 6 लाख रुपये किंमतीचे बाबू ( येळू ) चे झाडे माझ्या शेता शेजारील शेतकरी लक्ष्मण माधव शेळके, विष्णू माधव शेळके, माधव रामराव शेळके या तिघांनी संगनमत करून यांनी तुझ्या शेतातील बांबूचा पाला-पाचोळा माझ्या शेतामध्ये उडून येत आहे. म्हणून आर्वाच्य भाषेत शिवीगाळ करून जिवे मारण्याची धमकी देखून माझ्या शेतातील सदरील बांबू माझ्या समोर जाळले व यानंतर सुध्दा जर तुझ्या शेतातील बांबूचा पाला पाचोळा माझ्या शेतात आला तर आज बांबूच जाळुन टाकले उदया तुला आणि तुझ्या घराला जाळून टाकीन अशी धमकी दिली असून सदरील तीन व्यक्तीपासून मला व माझ्या कुटुंबातील व्यक्तींच्या जिवाला धोका असल्याचे दिलेल्या अर्जात नमुद केले असुन या घटनेचा अधिक तपास अहमदपूर पोलिस स्टेशनचेे पो.हे.कॉ. भिसे करीत आहेत.