परचंडा येथे गरजूनां धान्याचे किट वाटप

अहमदपूर ( गोविंद काळे ) कोरोना विषाणूचा संसर्ग व प्रसार होऊ नये, यासाठी लॉक डाऊन करण्यात आले आहे. त्यामुळे अनेक कामधंदे बंद पडले. तसेच रोजगार हिरावला. नागरिकांना उदरनिर्वाह करणे कठीण झाले आहे. ही बाब ओळखून सामाजिक कार्यकर्ते मनमथआप्पा धोंडीराम कापसे यांचे सुपुत्र शिवानंद मनमथआप्पा कापसे, महादेव मनमथआप्पा कापसे आणि शिवकुमार मनमथअप्पा कापसे यांनी गावातील प्रत्येक कुटुंबासाठी २ किलो साखर, १ किलो रवा, १ किलो पोहे, १ मुरमुरा पाकीट आणि ५ बिस्किट पॅकेट्स श्री रोकडोबा समाजसेवा मित्र मंडळ, परचंडा आणि आयटी इंजिनिअर ग्रुप, पुणे यांच्या सहभागाने वाटप केले.
यावेळी भानुदास कांबळवाड, तुकाराम जाधव, बाबुराव बेद्रे, भागवत कदम, भगवंत मुडे, नरसिंग शेरे, विश्वनाथ जाधव, गोपाळ कानवटे, ज्ञानोबा कदम, मनमथ शेरे, मोहम्मद पठाण, नबी पठाण, इर्शाद पठाण, किरण कदम, तुकाराम कोलपुसे, बाळू पाटील, विशाल जाधव, संगम कापसे, शिवा शेळके, महेश कापसे आदी उपस्थित होते.