बॅडमिंटनच्या झोनल स्पर्धेत महाराष्ट्र विजयी:नागेश चामलेची तगडी कामगिरी

उदगीर (एल.पी.उगीले) : बॅडमिंटन असोसिएशन ऑफ इंडिया आयोजित बॅडमिंटनच्या वेस्टझोन स्पर्धेत महाराष्ट्राच्या संघाला पहिल्या मॅचला बाय मिळाला, दुसरी सेमिफायनल मॅच मध्यप्रदेश सोबत जिंकली व तिसरी फायनल मॅच छत्तीसगडला हरवून महाराष्ट्र जिंकला. महाराष्ट्राच्या बॅडमिंटन संघाची नॅशनलला निवड झाली.

सातारा येथील निवड स्पर्धेत उदगीर येथील नागेश भरत चामले याची निवड झाली.नागेश चामले हा महाराष्ट्र राज्य कापूस उत्पादक पणन महासंघाचे संचालक तथा स्वर्गीय रामचंद्रराव पाटील तळेगावकर सहकारी खरेदी विक्री संघाचे चेअरमन भरतभाऊ चामले यांचा मुलगा असुन त्यांने महाराष्ट्र संघाच्या विजयासाठी उत्कृष्ट व तगडी कामगिरी करून उदगीरच्या शिरपेचात मानाचा तुरा रोवला.महाराष्ट्राच्या संघाचे व नागेश चामलेच्या यशाचे सर्व स्तरातून अभिनंदन केले जात आहे.