आमदार बाबासाहेब पाटील यांच्या हस्ते ६२ लक्ष रुपयांच्या विविध विकासकामांचा लोकार्पण व भूमिपूजन समारंभ !

अहमदपूर( गोविंद काळे ) मौजे मावलगाव ता अहमदपूर येथे ग्रामपंचायत कार्यालयाचे लोकार्पण व विविध विकास कामांचा भूमिपूजन सोहळा आयोजित करण्यात आला होता यावेळी कार्यालयाचे लोकार्पण करत विकासकामांचे भूमिपूजन आमदार बाबासाहेब पाटील यांच्या हस्ते करण्यात आले
या विकासकामांमध्ये ग्रामपंचायत इमारतीचे बांधकाम : २० लक्ष रुपये, आरो प्लांट : ५ लक्ष रुपये, पेव्हर ब्लॉक रस्ता : २० लक्ष रुपये, सिमेंट रोड रस्ता : १७ लक्ष रुपये अशा एकूण ६२ लक्ष रुपयांच्या विकासकामांचा समावेश आहे.
मतदारसंघाचा सर्वसमावेशक विकास करण्याच्या दृष्टीने आपण गावांमध्ये निधी उपलब्ध करून देत विकासकामे करत आहोत. ग्रामस्थांच्या असणाऱ्या विविध मागण्या आणि त्यानुसार निधीची उपलब्धता करून देण्यासाठी मी कटिबद्ध असेल, असे मत यावेळी आमदार बाबासाहेब पाटील यांनी व्यक्त केले.

यावेळी सरपंच शिवाजीराव संपते, सभापती मंचकरावजी पाटील, जि.उपाध्यक्ष शिवानंद तात्या हिंगणे, मा. सभापती शिवाजीराव खांडेकर, चेअरमन संग्रामजी चामे, जिल्हा परिषद बांधकाम अभियंता शेख साहेब, मा. चेअरमन हनुमंतराव सावदे, बाबुरावजी पडीले, अविनाश देशमुख, सचिन पडीले, सय्यद इलियास, कालिदास कदम, गोपीनाथ जोंधळे स्वामी सर, देवानंद कानवटे, भगवान ससाने, अविनाश चाटे, कोंडीराम गायकवाड, उपसरपंच मावलगाव नरसिंग भदाडे, चेअरमन रमेश कासले, मा. सरपंच शरदराव पाटील, शिवाजीराव भदाडे, संजय बिर्ले, भारत कदम, गुट्टे, मधुकर संपते, रामकिशन कोंपले, रमेश कासले आदी ग्रामस्थ उपस्थित होते.