महात्मा फुले महाविद्यालयात पुण्यश्लोक अहिल्यादेवी होळकर यांना अभिवादन

अहमदपूर ,( गोविंद काळे)
येथील महात्मा फुले महाविद्यालयात राष्ट्रीय सेवा योजना, सांस्कृतिक विभाग व पुण्यश्लोक अहिल्यादेवी होळकर अध्यासन केंद्राच्या वतीने महाराणी पुण्यश्लोक अहिल्यादेवी होळकर यांच्या स्मृतिदिनानिमित्त त्यांना अभिवादन करण्यात आले.
याबाबतचे सविस्तर वृत्त असे की, महाविद्यालयाचे प्राचार्य डॉ.वसंत बिरादार पाटील यांच्या मार्गदर्शनाखाली पुण्यश्लोक अहिल्यादेवी होळकर स्मृती दिनानिमित्त आयोजित करण्यात आलेल्या कार्यक्रमाच्या अध्यक्षस्थानी मराठी उपग्रहातील प्रोफेसर ह. भ. प. डॉ.अनिल मुंढे हे होते तर ; पु. अहिल्यादेवी होळकर अध्यासन केंद्राचे संचालक तथा हिंदी विभागातील सहयोगी प्राध्यापक डॉ.पांडुरंग चिलगर यांची प्रमुख उपस्थिती होती. यावेळी पुण्यश्लोक अहिल्यादेवी होळकर यांच्या प्रतिमेस पुष्प अर्पण करून अभिवादन करण्यात आले. तसेच, यावेळी डॉ. पांडुरंग चिलगर यांनी अहिल्यादेवी होळकर यांच्या ऐतिहासिक कार्यावर प्रकाश टाकला. तसेच, या कार्यक्रमाचा अध्यक्षीय समारोप प्रो. डॉ. अनिल मुंढे यांनी केला.
या कार्यक्रमाची प्रास्ताविक व सूत्रसंचालन सांस्कृतिक विभाग प्रमुख डॉ.बब्रुवान मोरे यांनी केले तर ; आभार क्रीडा संचालक प्रोफेसर डॉ.अभिजीत मोरे यांनी मानले. यावेळी वामनराव मलकापुरे, शिवाजी चोपडे यांच्यासह महाविद्यालयातील प्राध्यापक, कार्यालयीन कर्मचारी व विद्यार्थी उपस्थित होते.