बालाघाट शैक्षणिक संकुल मध्ये स्वातंत्र्य दिन उत्साहामध्ये साजरा

अहमदपूर ( गोविंद काळे ) तालुक्यातील रुद्धा येथील बालाघाट तंत्रनिकेतन व औद्योगिक प्रशिक्षण संस्था तसेच सम्राट चंद्रगुप्त मौर्य इंटरनॅशनल स्कूलच्या वतीने आयोजित स्वातंत्र्य दिनाच्या ध्वजारोहण कार्यक्रम श्री गणेश शिक्षण प्रसारक मंडळाचे अध्यक्ष तथा भाजपाचे प्रदेश प्रवक्ते गणेश हाके व भाजपा लातूर ग्रामीण चे जिल्हाध्यक्ष दिलीपराव देशमुख यांच्या हस्ते प्रतिमेचे पूजन करून ध्वजारोहण कार्यक्रम संपन्न करण्यात आला.

सम्राट चंद्रगुप्त मौर्य इंटरनॅशनल स्कूलच्या विद्यार्थ्यांनी सैनिकी ड्रेसमध्ये येऊन ध्वजाला सलामी दिली.
यानंतर सम्राट चंद्रगुप्त मौर्य इंटरनॅशनल स्कूल मध्ये नवीन प्रवेशित विद्यार्थ्यांचा सत्कार सोहळा आयोजित करण्यात आला होता. या कार्यक्रमाचे अध्यक्ष म्हणून श्री गणेश शिक्षण प्रसारक मंडळाचे अध्यक्ष गणेश हाके तर प्रमुख पाहुणे म्हणून भाजपा जिल्हा अध्यक्ष दिलीपरावजी देशमुख, प्रमुख उपस्थिती अशोक केंद्रे माजी जि प सदस्य, हेमंत गुट्टे यांची उपस्थिती होती.
या कार्यक्रमांमध्ये सम्राट चंद्रगुप्त इंटरनॅशनल स्कूल मध्ये सन 2023 -24 मध्ये प्रवेश घेतलेल्या विद्यार्थ्यांचे स्वागत केले. त्यानंतर विविध विद्यार्थ्यांनी देशभक्तीपर गीते सादर केली विविध कला करून दाखवल्या. त्यानंतर कार्यक्रमाचे अध्यक्ष व व्यासपीठावरील सर्व मंडळीच्या हस्ते शाळेच्या विद्यार्थ्यांनी विविध स्पर्धांमध्ये तालुकास्तरीय जिल्हास्तरीय प्रथम द्वितीय क्रमांक मिळवलेल्या विद्यार्थ्यांचा सन्मानचिन्ह व प्रशस्तीपत्र देऊन सन्मान करण्यात आला. या कार्यक्रमाचे सूत्रसंचालन व आभार संभाजी सांगळे यांनी मांडले.
या कार्यक्रमासाठी संस्थेचे संचालक कुलदीप हाके, संचालिका शिवालिका हाके, संस्थेचे कोषाध्यक्ष अमरदीप हाके बालाघाट तंत्रनिकेतन चे प्राचार्य स्वप्निल नागरगोजे, औद्योगिक प्रशिक्षण संस्थेचे प्राचार्य मदन आरदवाड, तसेच बालाघाट शैक्षणिक संकुल मधील सर्व प्राध्यापक शिक्षक व शिक्षकेतर कर्मचारी आणि विद्यार्थी मोठ्या संख्येने उपस्थित होते.