अहमदपूरचा मुख्य शासकीय ध्वजारोहण सोहळा उत्साहात साजरा

अहमदपूर ( गोविंद काळे) जिल्हा परिषदेच्या मैदानावरील मुख्य ध्वजारोहण उपजिल्हाधिकारी प्रवीण फुलारी यांच्या हस्ते करण्यात आला.
यावेळी तहसीलदार शिवाजी पालेपाड, उपविभागीय पोलीस अधिकारी मनीष कल्याणकर, पोलीस निरीक्षक सुधाकर देडे,नगरपालिका चे मुख्याधिकारी काकासाहेब डोईफोडे, नायब तहसीलदार अजय पाटील, डि के मोरे, धनेश धन्ताळे, सहाय्यक पोलीस निरीक्षक प्रभाकर अंधोरीकर, प्रा. विश्वंभर स्वामी, माजी नगराध्यक्ष सरस्वती कांबळे, जीवन गायकवाड प्राचार्य गजानन शिंदे, मुख्याध्यापिका सुनीता कोयले यांच्यासह मान्यवरांची उपस्थिती होती.
यावेळी उपविभागीय पोलिस अधिकारी मनीष कल्याणकर आणि पोलीस पथकांनी राष्ट्रध्वजाला मानवंदना दिली.
यावेळी देशाच्या सीमेवर लढणाऱ्या वीर माता , वीर पितां व बंधुचा उपजिल्हाधिकारी प्रवीण फुलारी व तहसीलदार शिवाजी पालेपाड यांच्या हस्ते शाल, श्रीफळ व पुष्पहार देऊन सन्मान करण्यात आला.
कार्यक्रमाचे सूत्रसंचालन राम तत्तापुरे यांनी तर आभार गौरव चवंडा यांनी मांनले. कार्यक्रम यशस्वी करण्यासाठी तलाठी प्रशांत बिराजदार,एस बी मुळे यांच्यासह महसूल विभागाच्या कर्मचाऱ्यांनी विशेष परिश्रम घेतले.