शिवाजी महाविद्यालयात सद्भावना दिवस संपन्न

उदगीर (एल.पी.उगीले) : शिवाजी महाविद्यालयात राष्ट्रीय सेवा योजना विभागाच्या वतीने पंतप्रधान राजीव गांधी यांची जयंती सद्भावना दिवस म्हणून साजरी करण्यात आली. स्वर्गीय राजीव गांधी यांचा जन्मदिवस सद्भावना दिन म्हणून साजरा करण्यात येत असतो, त्यानिमित्ताने प्रभारी प्राचार्य डॉ.अरविंद नवले यांनी राजीव गांधी यांच्या प्रतिमेचे पूजन केले . यावेळी उपप्राचार्य डॉ. आर. एम. मांजरे, कार्यक्रमाधिकारी डॉ. सुरेश शिंदे,डॉ. अनंत टेकाळे,प्रा. बालाजी सूर्यवंशी ,डॉ.एस डी नीटुरे यांनी प्रतिमेचे पूजन केले. त्यानंतर कार्यक्रमाधिकारी प्रा. बालाजी सूर्यवंशी यांनी सर्वांना सद्भावना दिनाची प्रतिज्ञा दिली.

या कार्यक्रमाचे सूत्रसंचालन व प्रास्ताविक कार्यक्रमाधिकारी डॉ. सुरेश शिंदे यांनी केले. तर आभार कार्यक्रमाधिकारी डॉ. अनंत टेकाळे यांनी मानले. या कार्यक्रमाला महाविद्यालयातील प्राध्यापक, कार्यालयीन कर्मचारी, शिक्षकेत्तर कर्मचारी व स्वयंसेवक मोठ्या संख्येने उपस्थित होते.