महाराष्ट्र उदयगिरी महाविद्यालयाचा बुद्धिबळ महिला संघ विद्यापीठात तृतीय

उदगीर (एल.पी.उगीले) : स्वामी रामानंद तीर्थ मराठवाडा विद्यापीठ, नांदेड अंतर्गत आंतर महाविद्यालयीन बुद्धिबळ (महिला) स्पर्धा दि. 19 व 20 ऑगस्ट, 2023 रोजी कै. रमेश वरपूडकर महाविद्यालय सोनपेठ जि. परभणी येथे संपन्न झाली. या स्पर्धेत महाराष्ट्र उदयगिरी महाविद्यालयाच्या संघाने चुरशीचा खेळ दाखवत विद्यापीठात तृतीय क्रमांक पटकावला आहे. तसेच तीन महिला खेळाडूंची निवड आंतर विद्यापीठ स्पर्धेसाठी घेण्यात येणाऱ्या विद्यापीठ प्रशिक्षण शिबिरासाठी झाली आहे. या विजेत्या संघामध्ये आरती कोळी, पूजा कोळी, स्नेहा हलकुडे, प्राची श्रीमंत, सुषमा स्वामी, लक्ष्मी बिरादार या खेळाडूंचा समावेश आहे. या खेळाडूंना क्रीडा संचालक प्रा.सतिश मुंढे, प्रा.रोहन ऐनाडले यांनी मार्गदर्शन केले. त्याबद्दल सर्व विजेत्या खेळाडूंचे महाराष्ट्र एज्युकेशन सोसायटीचे अध्यक्ष मल्लिकार्जुन मानकरी, उपाध्यक्ष डॉ.रेखा रेड्डी आणि अ‍ॅड.प्रकाश तोंडारे, सचिव रामचंद्र तिरुके, सहसचिव अ‍ॅड.एस.टी.पाटील चिघळीकर आणि डॉ.रामप्रसाद लखोटिया, कोषाध्यक्ष भालचंद्र चाकूरकर तसेच सर्व संस्था सदस्य, प्राचार्य डॉ.आर.के.मस्के, उपप्राचार्य डॉ.एस.जी.पाटील तसेच सर्व शिक्षक व शिक्षकेतर कर्मचारी यांनी अभिनंदन केले.