गोपाळ जोशी यांना पं. पलुस्कर पुरस्कार प्रदान

उदगीर (प्रतिनिधी) : येथील संगीत क्षेत्रातील ख्यातनाम गोपाळराव जोशी यांना पं. विष्णु दिगंबर पलुस्कर स्मृती पुरस्कार प्रदान करण्यात आला.
अखिल भारतीय गांधर्व महाविदयालय मुंबईच्या वतीने हा पुरस्कार दिला जातो. संगीत क्षेत्रात भरीव योगदान असणारे स्वातंत्र्य सेनानी पं. विष्णु दिगंबर पलुस्कर बुवांच्या स्मरणार्थ दिला जाणारा हा संगीत क्षेत्रातील अत्यंत प्रतिष्ठेचा हा पुरस्कार आहे. गोपाळराव जोशी यांचे गायन व संगीत क्षेत्रात मोठे योगदान आहे . उदगीरमध्ये त्यांच्या मार्गदर्शनाखाली शेकडो विधार्थी घडले आहेत. ओंकार संगीत विद्यालयातून त्यांच्या मार्गदर्शनाखाली शिक्षण घेतलेल्या विद्यार्थ्यांनी आपला नावलौकिक मिळविला आहे . मुंबई येथे झालेल्या शानदार सोहळ्यात डॉ. पुरु दाधीच , महापालिका आयुक्त डॉ. राजेश नार्वेकर , संस्थेचे अध्यक्ष प्रा. बालासाहेब सुर्यवंशी, डॉ. देवेंद्र कुलकर्णी यांच्या उपस्थितीत श्री जोशी व सौ . छाया जोशी यांना सन्मानपूर्वक हा पुरस्कार देण्यात आला . जोशी यांना मिळाल्याबद्दल त्यांचे अभिनंदन करण्यात येत आहे .