शेतातील वीज मोटार, वायर, स्टार्टरची चोरी; ३४ हजारांचे साहित्य लंपास
लातूर (प्रतिनिधी) : औसा तालुक्यातील किनीनवरे शिवारातील विहिरीवरून इलेक्ट्रिकल मोटार, बोअरवेलमधील अन्य एक मोटार तसेच ५५० फूट वायर, ऑटोमॅटिक स्टार्टर असे एकूण ३४ हजार ६०० रुपयांचे साहित्य चोरीस गेल्याची घटना घडली आहे.
किनीनवरे येथील शेतकरी कमलाकर नारायण साळुंके यांच्या सर्व्हे नं. ३३० मधील शेतातील विहिरीवरून तीन एचपी मोटार 12 हजार रुपये, ५ एचपी मोटार जुनी स्टील बॉडी १५ हजार रुपये, ५५० फूट वायर ५ हजार रुपये, जुने स्टार्टर १६०० रुपये, दोन ऑटोमॅटिक स्टार्टर १ हजार रुपये असे एकूण ३४ हजार ६०० रुपयांचे साहित्य कोणी तरी चोरले. तसेच २० हजार रुपयांच्या पाइपचे नुकसान केल्याची घटना घडली आहे. फिर्यादीने दिलेल्या तक्रारी वरुन किल्लारी पोलिसात गुन्हा नोंद करण्यात आला आहे.
About The Author
