यशवंत विद्यालयाचे विविध क्रीडा प्रकारात नेत्र दीपक यश

अहमदपूर (गोविंद काळे) : येथील महात्मा फुले विद्यालयाच्या प्रांगणात जिल्हास्तरीय हँडबॉल स्पर्धा होऊन या स्पर्धेत यशवंत विद्यालयाच्या चार संघांनी नेत्र दीपक यश संपादन केले आहे. त्यामध्ये 17 वर्ष मुलींचा संघ जिल्ह्यात सर्वप्रथम येऊन राज्य स्पर्धेसाठी पात्र ठरला आहे. यात अमृता उगिले, पूर्वी जटाळ, श्रीजल केंद्रे, प्रेरणा कदम, समीक्षा कुमरे या खेळाडूंचा समावेश होता, 17 वर्षे वयोगट मुलांचा संघ जिल्ह्यात द्वितीय, तर चौदा वर्ष मुलींचा संघ जिल्ह्यात सर्व द्वितीय राहून यशाची नेत्रदिपक पंरमपरा कायम राखली आहे. या विद्यार्थ्यांना क्रीडा विभाग प्रमुख संतोष कदम, दीपक हिंगणे, प्रभावती मिरजकर यांचे विशेष मार्गदर्शन लाभले होते. या यशा बद्दल संस्थेचे अध्यक्ष डॉ. अशोकराव सांगवीकर, सचिव डी बी लोहारे गुरुजी, मुख्याध्यापक गजानन शिंदे, उप मुख्याध्यापक राजकुमार घोटे, पर्यवेक्षक अशोक पेद्येवाड, निर्मला पंचगंल्ले, राम तत्तापुरे, सोमनाथ स्वामी यांच्या यांच्यासह शिक्षक शिक्षकेतर कर्मचाऱ्यांनी अभिनंदन आणि कौतुक केले आहे.