माजी मंत्री बाळासाहेब जाधव साहेब यांच्या हस्ते किसान शिक्षण प्रसारक मंडळाच्या नवनियुक्त कार्यकारी संचालक मंडळाचा सत्कार

अहमदपूर (गोविंद काळे) : येथील महेश अर्बन को. ऑप. बँकेमध्ये उदगीर येथील किसान शिक्षण प्रसारक मंडळाच्या नवनियुक्त कार्यकारी मंडळांचा महाराष्ट्र राज्याचे माजी मंत्री बाळासाहेब जाधव साहेब यांच्या हस्ते शॉल, पुष्पहार देवून सत्कार करून पूढील कार्यास शुभेच्छा देण्यात आल्या.यामध्ये उदगीर येथील किसान शिक्षण प्रसारक मंडळाचे नवनियुक्त कार्यकारी मंडळाचे पॅनलप्रमुख तथा महाराष्ट्र एकीकरण समीतीचे सरचिटणीस पृथ्वीराज अशोकराव पाटील एकंबेकर, विद्यावर्धिनी हायस्कुल उदगीर येथील सहशिक्षक बाबासाहेब गुंडेराव पाटील, राजेंद्र रामराव एकंबेकर शिवाजी महाविद्यालय, उदगीर आदीं नवनिर्वाचीत संचालकांचा सत्कार करण्यात आला. तसेच यावेळी किसान शिक्षण प्रसारक मंडळ, उदगीर च्या वतीने महाराष्ट्र राज्याचे माजी मंत्री बाळासाहेब जाधव साहेब यांचा सत्कार करण्यात आला.