उमरगा पोलीसांची दमदार कारवाई; चोरट्यांना फुटला घाम

उमरगा (नितीन मंमाळे) : धाराशिव जिल्ह्यातील उमरगा येथील मुळशी प्लॉट येथे राहणारे आयुब मुजावर यांची दुचाकी रविवारी जकेकुर शिवारातून चोरीला गेली होती. याची फिर्याद दाखल झाल्यानंतर पोलिसांनी तपासाची चक्रे फिरवली या यावेळी बायपास रोडवर संशयित इसम दुचाकीवरून फिरत असताना आढळून आले, पोलिसांनी त्याला ताब्यात घेऊन विचारपूस केली असता, त्याने उडवा उडवी चे उत्तरे दिली .

मात्र त्याला पोलीस ठाण्यात आणून कसून चौकशी केली असता त्याचे नाव प्रकाश लक्ष्मण बाडगुळे असल्याचे सांगून त्याच्याकडून दुचाकी इटकळ येथून चोरली असल्याचे सांगितले आहे. तसेच जकेकुर सह नळदुर्ग, लोहारा, कासार शिरशी हद्दीतून देखील वेगवेगळ्या कंपनीच्या ५ दुचाकी चोरी केली असल्याचे कबुली दिली आहे.

उमरगा पोलिसांनी त्याच्याकडून ६ दुचाकी जप्त केले आहेत ही कारवाई पोलीस अधीक्षक अतुल कुलकर्णी उपविभागीय पोलीस अधिकारी रमेश बरकते ,पोलीस निरीक्षक डी बी पारेकर यांच्या मार्गदर्शनाखाली सहाय्यक पोलीस निरीक्षक गायकवाड, मनोज निलंगेकर, श्रीकांत भराटे, पोलीस हेडकॉन्स्टेबल घोळसगावकर अतुल जाधव ,यासीन सय्यद, अनिरुद्ध कावळे ,नवनाथ थोरे, पोलीस कॉन्स्टेबल बाळासाहेब कांबळे ,सिद्धेश्वर उंबरे, चालक विशाल कांबळे आदींनी केले आहे.