जि.प. प्रा. शा. हंगरगा येथे गणितज्ञ श्रीनिवास रामानुजन यांच्या जयंतीनिमित्त 'राष्ट्रीय गणित दिन' साजरा

उदगीर (एल.पी.उगीले) : तोंडार केंद्रातील हांगरगा जी. प. प्रा. शा.येथे थोर गणितज्ञ श्रीनिवास रामानुजन यांच्या जयंतीच्या निमित्ताने राष्ट्रीय गणित दिन साजरा करण्यात आला. तसेच सहा तासांच्या गणित अभ्यासिकेचे आयोजन करण्यात आले. विद्यार्थ्यांनी एकात्मिक पाठ्यपुस्तक भाग एक, दोन व तीन पूर्ण उदाहरण संग्रह सोडवण्यासाठी हाती घेतले. विद्यार्थ्यांनी अतिशय आवडीने व उत्साहाने यात सहभाग घेतला. यासाठी गणित शिक्षक मुळे पुंडलिक निवृत्ती यांनी मार्गदर्शन केले. हाती घेतलेल्या या स्तुत्य उपक्रमाबद्दल पुंडलिक बापू यांचे शाळेचे मुख्याध्यापक पांडे अशोकराव, श्रीमती प्रतिभाताई मुळे, श्रीमती गादगे भारतबाई, कासार प्रभाकर, तसेच तोंडार केंद्राचे केंद्रप्रमुख मरलापल्ले मधुकरराव व केंद्रातील सर्व शिक्षक बंधू -भगिनी यांच्यावतीने अभिनंदन केले.