कै. रसिका महाविद्यालयाच्या विद्यार्थिनीची स्वा.रा.ती.म.विद्यापीठ ॲथलेटिक्स संघात निवड

देवणी (प्रतिनिधी) : कै. रसिका महाविद्यालयातील कांबळे अंकिता ( बी.एससी. प्रथम वर्ष ) या खेळाडूची स्वामी रामानंद तीर्थ मराठवाडा विद्यापीठाच्या ॲथलेटिक्स संघात निवड झालेली आहे. क्रीडा महोत्सव 2024 आंतरविद्यापीठ ॲथलेटिक्स स्पर्धा दिनांक 11 ते 17 जानेवारी 2024 या कालावधीमध्ये राष्ट्रीय संत तुकडोजी महाराज नागपूर विद्यापीठ, नागपूर येथे होत आहेत.या स्पर्धेत स्वामी रामानंद तीर्थ मराठवाडा विद्यापीठाचे प्रतिनिधित्व करण्यासाठी अंकिता कांबळे या विद्यार्थिनीची विद्यापीठ संघात निवड झाली आहे. या खेळाडूस प्रा.डॉ. सचिन चामले यांचे मार्गदर्शन लाभले आहे. या खेळाडूंची विद्यापीठ संघात निवड झाल्याबद्दल संस्थाअध्यक्ष मा.श्री. गोविंदरावजी भोपणीकर साहेब, सचिव मा.श्री. गजाननजी भोपणीकर साहेब, व सर्व संस्था पदाधिकाऱ्यांतर्फे तसेच प्राचार्य डॉ. चंद्रकांत जावळे व महाविद्यालयातील सर्व प्राध्यापक व शिक्षकेत्तर कर्मचारी यांनी खेळाडूंचे अभिनंदन केलेले आहे. व पुढील स्पर्धेसाठी खेळाडूंना शुभेच्छा दिल्या आहेत.