मराठा समाजाच्या "अवतन" रॅलीस जागोजागी उत्स्फूर्त प्रतिसाद।

गावोगावी महिलांनी औक्षण करत केले रॅलीतील मावळ्यांचे स्वागत

अहमदपूर (प्रतिनिधी) : येथील सकल मराठा समन्वय समितीच्या वतीने अहमदपूर तालुक्यामध्ये मोटर सायकल रॅली काढून 20 जानेवारीला मनोज जरांगे पाटील यांच्या नेतृत्वाखाली निघत असलेल्या भव्य दिव्य महामोर्चा चे “चुलीला अवतन” देत निघालेल्या मोटारसायकल रॅलीला गावोगावी समाजबांधवांनी उत्स्फूर्त प्रतिसाद देत जल्लोषात स्वागत केले
अहमदपूर येथील छत्रपती शिवाजी महाराज चौक येथून निघालेल्या भव्य दिव्य रॅलीमध्ये जवळपास पाचशेच्या वर मोटरसायकल सहभाग घेतला होता यामध्ये तरुण वर्ग मोठ्या प्रमाणात सहभागी होता त्याच बरोबर वयस्कर मंडळी व अपंग बांधवांची उपस्थिती लक्षवेधक अशी होती.
तालुक्यातील सर्व सर्कल मधील गावांमधून ही रॅली गावोगावी घराघरात चुलीला अवतन देत आहे तसेच गावातील महापुरुषांच्या प्रतिमेचे पूजन व अभिवादन करत पुढे जात आहेत यावेळी घरोघरी समाज भगिनी रॅलीतील समाज बांधवांचे औक्षण करत स्वागत असून या रॅली मुळे तालुक्यातील वातावरण ढवळून निघाले असून रात्री उशिरापर्यंत ही रॅली जवळपास तालुक्यातील 75 गावामध्ये जाणार आहे जागोजागी गावातील समाज बांधव रॅली मधील बांधवांसाठी चहा नाश्ता अल्पोपहाराची व्यवस्था करत आहेत या जनजागृती मुळे मुंबईसाठीच्या मोर्चासाठी निघणाऱ्या समाज बांधवांच्या संख्येमध्ये वाढ होताना दिसत आहे.