रसिका शैक्षणिक संकुलामध्ये प्रजासत्ताक दिन उत्साहात साजरा

देवणी (प्रतिनिधी) : जनसेवा सेवाभावी प्रतिष्ठान भोपणी द्वारा संचलित रसिका शैक्षणिक संकुल देवणी येथे प्रजासत्ताक दिन उत्साहात साजरा करण्यात आला. यावेळी संस्थेचे अध्यक्ष मा. श्री. गोविंदरावजी भोपणीकर साहेब यांच्या शुभ हस्ते ध्वजारोहण करण्यात आले. या कार्यक्रमास कै. रसिका महाविद्यालयाचे प्राचार्य डॉ. चंद्रकांत जावळे, उपप्राचार्य डॉ. शिवाजी सोनटक्के आबासाहेब इंग्लिश स्कूलचे प्राचार्य राहुल बालुरे यांच्यासह महाविद्यालयातील व आबासाहेब इंग्लिश स्कूल मधील विद्यार्थी, शिक्षक व शिक्षकेतर कर्मचारी मोठ्या संख्येने उपस्थित होते. यावेळी भारतीय संविधानाच्या उद्देशपत्रिकेचे वाचन व राष्ट्रगीताचे गायन करण्यात आले. उपस्थित मान्यवर पाहुण्यांना आबासाहेब इंग्लिश स्कूलच्या विद्यार्थ्यांनी परेडच्या माध्यमातून मानवंदना दिली. ध्वजारोहणानंतर आबासाहेब इंग्लिश स्कूलच्या विद्यार्थ्यांचा सांस्कृतिक कार्यक्रम घेण्यात आला. या कार्यक्रमात विद्यार्थ्यांनी भाषणे व गीतगायान सादर केले. यावेळी विविध स्पर्धेमध्ये यशस्वी झालेल्या विद्यार्थ्यांना मान्यवरांच्या शुभ हस्ते बक्षीस वितरण करण्यात आले.