उत्कृष्ट कार्य केल्याबद्दल तलाठी पंकज कांबळे यांचा सत्कार संपन्न

उदगीर (प्रतिनिधी) : उदगीर विधानसभा मतदारसंघात निवडणूक आयोगाच्या वतीने राबवण्यात आलेल्या नव मतदार नोंदणी मोहिमेमध्ये हिरीरीने भाग घेऊन युवा मतदार नोंदणी व महिला मतदार नोंदणी करण्याच्या दृष्टीने विशेष प्रयत्न करून उल्लेखनीय कामगिरी बजावल्याबद्दल राष्ट्रीय मतदार दिनाच्या निमित्ताने उदगीरचे तलाठी पंकज कांबळे यांचा सत्कार उपजिल्हाधिकारी सुशांत शिंदे यांच्या हस्ते संपन्न झाला. याप्रसंगी उदगीर चे तहसीलदार रामेश्वर गोरे तसेच उपविभागीय पोलीस अधिकारी दिलीप भागवत हेही मान्यवर उपस्थित होते. उदगीर विधानसभा मतदारसंघांमध्ये महिलांचे आणि तरुणांचे बरेच मतदान नोंदवणे बाकी होते, ते सर्व मतदान वेळेत नोंदवून उत्कृष्ट कार्य केल्याबद्दल प्रमाणपत्र देऊन त्यांना गौरविण्यात आले आहे. सतत उत्साही आणि कार्यालयीन कामासाठी तत्पर असलेले तलाठी पंकज कांबळे यांचा गौरव झाल्यामुळे मित्र परिवाराच्या वतीने त्यांच्यावर शुभेच्छांचा वर्षाव होत आहे. त्यांनी अशीच उज्वल कामगिरी करावी अशा शुभेच्छा अनेक मित्रांनी दिल्या आहेत.