राष्ट्रीय सेवा योजने चे विशेष युवक शिबिर मौजे मोरतळवाङी येथे आयोजन

उदगीर (एल.पी.उगीले) : वसंतराव नाईक मराठवाडा कृषि विद्यापीठ अंतर्गत, नंदिग्राम कृषि एवंम ग्रामविकास संस्था सुगाव संचलित, कृषि महाविद्यालय डोंगरशेळकी तांडा उदगीर अंतर्गत राष्ट्रीय सेवा योजने चे विशेष युवक शिबिर शैक्षणिक वर्ष २०२३-२०२४ मौजे मोरतळवाङी ता. उदगीर जि. लातूर येथे घेण्यात आले. या शिबीराचे उद्घाटन समारंभाचे अध्यक्ष म्हणून सरपंच प्रभाकराव पाटील, उद्घाटक म्हणून नं.कि.ए.ग्रा.संस्था,सुगाव चे सचिव गंगाधराव दापकेकर , तंटामुक्ती अध्यक्ष मारुती मोरतळे, वसंतराव पाटील, कृषि महाविद्यालयाचे प्राचार्य ङाॅ.अंगदराव सूर्यवंशी, ङि.ङी.ओ ङॉ.आनंदराव दापकेकर , डॉ.शिवाजी माने,रा.से.यो. कार्यक्रमाधिकारी प्रा.सचिन खंडागळे, कार्यक्रम समन्वयक प्रा. गोविंद हमाने, प्रा. स्नेहा मून, तसेच गावातील प्रतिष्ठित नागरिक रामदास पाटील, विठ्ठल मोरतळे व गणेश पाटील आदी उपस्थित होते.
कार्यक्रमाची सुरुवात‎ हरीत क्रांतीचे प्रनेते कै. वसंतराव नाईक यांच्या प्रतिमा पूजनाने झाली. शिबीराच्या उदघाटन‎ प्रसंगी संस्थेचे सचिव गंगाधररावजी दापकेकर यांनी शिबीरातील‎ विद्यार्थी व गावकरी यांना श्रमदानाचे‎ महत्त्व सांगितले.‎ सदरील शिबीर कालावधी हा दि०५.०२.२०२४ पर्यंत असणार आहे. या मध्ये ग्राम‎ स्वच्छता, रस्ते स्वच्छता, गाजर‎ गवत निर्मुलन, वृक्षारोपन, शोषखड्डे,‎ गटार दुरुस्ती, मंदिर सफ़ाई, मतदान जनजागृती, अंधश्रद्धा निर्मुलन व‎ विविध विषयावरील व्याख्याने‎ इत्यादी उपक्रम राबवण्यात येतील‎ असे सांगितले.
या शिबिरांतर्गत मोफत आरोग्य तपासणी शिबिर, मोफत पशुरोग निदान व उपचार शिबिर, शेतीपूरक उद्योजकता विकास व संधी यासारख्या शिबिरा व उपक्रमाचे आयोजन करण्यात आले आहे. शेतकऱ्यांशी संवाद व परिसंवाद म्हणून गांडूळ खत उत्पादन, दुग्ध व दुग्धजन्य पदार्थ उद्योजकता यासारखे कार्यक्रम राबविण्यात येणार आहेत. ग्रामसंपर्क, मुक्त विचारपीठ, चर्चासत्र ,सांस्कृतिक पथनाट्य व उद्बोधन पर कार्यक्रम यांचेही आयोजन विद्यार्थी व कृषि महाविद्यालयीन तज्ञांकडून गावातील नागरिकांना व पंचक्रोशीतील नागरिकांना लाभणार आहे. या कार्यक्रमाच्या वेळी गावातील सर्व सुजान नागरिकांची, प्रगतशील शेतकऱ्यांची प्रमुख उपस्थिती होती. सुत्रसंचलन व आभार प्रा. सचिन खंङागळे यांनी केले.