इच्छापूर्ती कोचिंग क्लासेसच्या वतीने "स्कुल संसद" स्पर्धेत महाराष्ट्रात प्रथम आलेल्या लाल बहादूर शास्त्री विद्यालयाचा सत्कार संपन्न

सौ. अनिता यलमटे, कु.सायली कुलकर्णी, कु.भक्ती पटणे, कु.अक्षरा दुरुगकर यांचा भव्य सत्कार

उदगीर (एल.पी.उगीले) : पुणे येथे आयोजित “स्कुल संसद” या राज्यस्तरीय स्पर्धेत सहभागी 246 शाळांमधून उदगीर येथील लालबहादूर शास्त्री विद्यालयाने प्रथम क्रमांक पटकावला आहे. या अद्वितीय यशाबद्दल सहभागी टीमच्या मार्गदर्शिका सौ.अनिता यलमटे व सहभागी विद्यार्थिनी पंतप्रधान सायली कुलकर्णी, खासदार भक्ती पटणे, खासदार अक्षरा दुरुगकर यांचा उदगीर मधील सुप्रसिद्ध अशा, विद्यार्थ्यांच्या विकासासाठी धडपडणाऱ्या व शिक्षणाबरोबर वेगवेगळे उपक्रम राबविण्यासाठी प्रसिद्ध असलेल्या इच्छापूर्ती कोचिंग क्लासेसच्या वतीने भव्य सत्कार करण्यात आला.
या कार्यक्रमाच्या अध्यक्षस्थानी इच्छापूर्ती कोचिंग क्लासेसचे मार्गदर्शक गुंडप्पा पटणे हे होते. तर प्रमुख पाहुणे म्हणून भारतीय शिक्षण प्रसारक मंडळाचे कार्यवाह शंकरराव लासूने, लालबहादूर शास्त्रीचे उपमुख्याध्यापक संजयराव कुलकर्णी, क्लासेसच्या मार्गदर्शिका नागीणबाई पटणे, लालबहादूर शाळेच्या सहशिक्षिका व विजेत्यांच्या मातोश्री प्रिती दुरुगकर, प्राजक्ता जोशी व संगीता पटणे यांच्या बरोबर सत्कारमूर्ती आदर्श व उपक्रमशीला शिक्षिका अनिता यलमटे, गुणवंत व यशवंत अशा विजेत्या विद्यार्थिनी सायली कुलकर्णी, भक्ती पटणे, अक्षरा दुरुगकर इत्यादी मान्यवर उपस्थित होते. सुरवातीला उपस्थित सर्व मान्यवरांचा शाल व पुष्पगुच्छ देऊन सन्मान करण्यात आला. त्यानंतर मान्यवरांच्या उपस्थित क्लासेसच्या वतीने क्लासेसचे संचालक प्रा.सिद्धेश्वर पटणे यांच्या हस्ते विजेत्यांचा शाल, पुष्पगुच्छ व सन्मानचिन्ह देऊन सत्कार करण्यात आला. त्यानंतर सायली कुलकर्णी, भक्ती पटणे व अक्षरा दुरुगकर यांनी या स्पर्धेत त्यांना आलेले अनुभव सांगून या स्पर्धेत आम्हाला खूप कांही शिकायला मिळालं, सभागृहत बसलो असताना आम्हाला आम्ही खरच खासदार, पंतप्रधान असल्यासारखं वाटत होत, अशा भावना व्यक्त करून विजयाचे सर्व श्रेय भारतीय शिक्षण प्रसारक संस्था, सर्वगुरुजन व आईवडील यांना दिले. यावेळी शंकरराव लासूने, संजयराव कुलकर्णी यांची यथोचित भाषणे झाली. दोघांनीही आपल्या भाषणातून विजेत्यांचे कौतुक केले व इच्छापूर्ती कोचिंग क्लासेसने विजेत्यांचा भव्य असा सत्कार समारंभ ठेवल्याबद्दल क्लासेसचे संचालक प्रा.सिद्धेश्वर पटणे यांचे आभार मानले.यानंतर सुप्रसिद्ध कवयित्री व लेखिका विजेत्यांच्या मार्गदर्शिका अनिता यलमटे यांनी विद्यार्थ्यांना आपलेच अनुभव सांगत सखोल असे मार्गदर्शन केले. यावेळी प्रिती दुरुगकर यांनीही विद्यार्थ्यांना अनमोल असे मार्गदर्शन केले. अध्यक्षीय समारोपत गुंडप्पा पटणे यांनी शंकरराव लासूने, संजयराव कुलकर्णी, अनिता यलमटे, सायली कुलकर्णी, भक्ती पटणे, अक्षरा दुरुगकर या प्रत्येकावर काव्यात्मक रचना करून त्यांचे कौतुक केले, याला मंचावरील मान्यवर व विद्यार्थ्यांनी खूप प्रतिसाद दिला. या कार्यक्रमाचे प्रास्ताविक प्रा. सिद्धेश्वर पटणे, सूत्रसंचलन प्रा.संजय जामकर तर आभारप्रदर्शन प्रा.अशरफ खान यांनी केले. कार्यक्रमाच्या यशस्वीतेसाठी प्रा.राजकुमार बिरादार, प्रा.ज्ञानेश्वर केंद्रे, प्रा.श्रद्धा चंदे, प्रा.कावेरी नळगिरे, प्रा.वर्षा जावरे, प्रा.तरगुडे मॅडम, चंद्रकांत काटवटे, वेदांत चिमेगावे, गजानन जावरे, अरुण कांबळे, माधव तोंडारे, सुमित मुळे, आशिष मुसांडे इत्यादीनी परिश्रम घेतले.