लालबहादुर शास्त्री प्राथमिक शाळेत बक्षीस वितरण समारंभ संपन्न

उदगीर (एल.पी.उगीले) : भारतीय शिक्षण प्रसारक संस्था,अंबाजोगाई द्वारा संचालित लालबहादुर शास्त्री प्राथमिक शाळेत वार्षिक स्नेहसंमेलनांतर्गत विविध क्रिडा स्पर्धेतील बक्षीस वितरण कार्यक्रम दोन सत्रात आयोजित करण्यात आला होता.
या कार्यक्रमासाठी अध्यक्ष म्हणून शालेय समिती अध्यक्ष व्यंकटराव गुरमे, प्रमुख अतिथी म्हणून महाराष्ट्र राज्य पुरस्कार प्राप्त सेवानिवृत्त मुख्याध्यापक देवेंद्र देवणीकर गुरुजी, मुख्याध्यापक अंकुश मिरगुडे ,विभाग प्रमुख सुधाकर पोलावार, सुरेखाबाई कुलकर्णी, अभ्यासपूरक मंडळ प्रमुख माधव केंद्रे व संमेलन प्रमुख सौ.मंजुषा पेन्सलवार उपस्थित होते.
मान्यवर पाहुण्यांच्या हस्ते प्रतिमा पूजन व दिपप्रज्वलन करण्यात आले. सर्व मान्यवरांचे गुलाबपुष्प देऊन शाळेच्या वतीने स्वागत करण्यात आले.सर्व प्रथम विद्यार्थ्यांनी कवायत संचलनात कवायतीचे खडे प्रकार व बैठे प्रकार सादर केले. वार्षिक स्नेहसंमेलनांतर्गत विविध क्रिडा स्पर्धेत यश संपादन केलेल्या इयत्ता पहिली ते चौथीच्या विद्यार्थ्यांना मान्यवर पाहुण्यांच्या हस्ते बक्षीस वितरण करण्यात आले.
प्रमुख अतिथी देवेंद्र देवणीकर व कार्यक्रमाचे अध्यक्ष व्यंकटराव गुरमे यांनी सर्व यशस्वी विद्यार्थ्यांचे खूप खूप अभिनंदन केले व जीवनातही असेच यश संपादन करावे, असे आवाहन केले.
सुत्रसंचलन सौ.श्रीदेवी कबाडे व शिवबसप्पा खराडे यांनी केले, यादी वाचन सौ.मंजुषा पेन्सलवार व सौ.मेघाबाई कुलकर्णी यांनी केले.