संत ज्ञानेश्वर विद्यालयात शिवजयंती उत्साहात संपन्न

अहमदपूर (गोविंद काळे) : येथील संत ज्ञानेश्वर विद्यालयात 19 फेब्रुवारी 2024 रोजी शिवजन्मोत्सव मोठ्या उत्साहात साजरा करण्यात आला. कार्यक्रमाच्या अध्यक्षस्थानी मुख्याध्यापिका आशा रोडगे तर प्रमुख पाहुणे शिवव्याख्याते प्राध्यापक डॉक्टर सय्यद अकबर लाला हे उपस्थित होते. प्रारंभी छत्रपती शिवाजी महाराज यांच्या प्रतिमेचे पूजन करण्यात आले. त्यानंतर मान्यवरांचा विद्यालयाच्या वतीने येथोचित असा सन्मान करण्यात आला. यावेळी उपस्थित सर्व विद्यार्थ्यांचे शिवरायांच्या जीवनावर प्रकाश टाकणारी भाषणे झाली. शिवजन्मोत्सवानिमित्त विद्यालयात चित्रकला स्पर्धा, पोवाडा स्पर्धा गीत गायन स्पर्धा वक्तृत्व स्पर्धा, निबंध स्पर्धा, रांगोळी स्पर्धा घेण्यात आल्या या स्पर्धेत प्रथम, द्वितीय, तृतीय येणाऱ्या विद्यार्थ्यांना प्रमुख पाहुण्यांच्या हस्ते बक्षीस देऊन त्यांचे कौतुक करण्यात आले. यावेळी प्रमुख पाहुणे शिवव्याख्याते डॉक्टर सय्यद अकबर लाला यांचे शिवरायांच्या जीवनावरती प्रकाश टाकणारे व्याख्यान झाले. कार्यक्रमाचे प्रास्ताविक मुख्याध्यापिका अशा रोडगे यांनी केले तर सूत्र संचलन सतीश साबणे यांनी केले तर आभार अश्विनी घोगरे यांनी मानले. शेवटी पसायदान घेऊन कार्यक्रमाची सांगता करण्यात आली.