श्यामार्य कन्या विद्यालयात स्वयंशासन दिन उत्साहात साजरा

उदगीर (एल.पी.उगीले) : श्यामार्य कन्या विद्यालयात वर्ग दहावीच्या विद्यार्थ्यांनी द्वारे स्वयंशासन दिन उत्साहात साजरा करण्यात आला. या स्वयंशासन दिनानिमित्त मुख्याध्यापिकाच्या भूमिकेत कांचन मोरे या मुलींनी कार्य केले. वर्ग दहावी मधील 50 विद्यार्थिनी शिक्षिका बनलेल्या होत्या. त्या सर्व मुलींना वर्ग पाचवी ते नववीचे वेळापत्रक देण्यात आलेले होते. या वेळापत्रकानुसार सर्व विद्यार्थ्यांनी शिक्षिका अध्यापनाचा एक नवीन अनुभव आज घेतला.
संपूर्ण एक दिवस शाळा चालवण्याची जबाबदारी या सर्व विद्यार्थ्यांनी स्वीकारलेली होती. सर्व विद्यार्थिनींनी साडीच्या वेशभूषेमध्ये शालेय वेळेत उपस्थित होते. या सर्व विद्यार्थ्यांनी शिक्षकांनी सोपवून दिलेल्या वर्ग विषयानुसार अध्यापनाचे कार्य उत्साहाने पूर्ण केले. यामध्ये संतोषी पाटील, नम्रता मठपती, कांचन मोरे, बिरादार सृष्टी, मोतीपवळे गौरी या विद्यार्थिनींनी उत्कृष्टरित्या अध्यापनाचे कार्य केले. आढावा बैठकीमध्ये श्यामार्य कन्या विद्यालयाच्या मुख्याध्यापिका तृप्ती पंडित, पर्यवेक्षक प्रवीण भोळे यांनी सर्व विद्यार्थिनी व शिक्षिकांचे अभिनंदन केलं.