निलंगा येथे महाराष्ट्र नवनिर्माण सेनेत शेकडो महिलांचा प्रवेश

निलंगा (गोविंद काळे) : येथे महाराष्ट्र नवनिर्माण सेनेमधे पक्षाध्यक्ष राज ठाकरे यांच्या विचाराने प्रेरित होऊन जिल्हाध्यक्ष डॉ नरसिंह भिकाणे यांच्या नेतृत्वाखाली विश्रामगृह येथे झालेल्या कार्यक्रमात शेकडो महिलांनी प्रवेश केला.या वेळी डॉ भिकाणे यांनी पक्षवाढ करून जनतेच्या समस्या सोडवा व जनतेला न्याय देत राजसाहेबांचे विचार घरोघर पोहचवा असे आवाहन केले.कारण सद्याच्या राजकीय मिसळ झालेल्या नेत्यांमध्ये एकमेव स्वतंत्र विचारांचे नेतृत्व फक्त मनसेकडे राज ठाकरे यांच्या माध्यमातून आहे असेही त्यांनी ठणकावून सांगितले.यावेळी मनवीसे जिल्हासंघटक डॉ यश भिकाणे,तालुकाध्यक्ष सूरज पटेल,सोमनाथ कलशेट्टी,सचिव प्रताप चामले,उपाध्यक्ष बालाजी पवार,विकास सूर्यवंशी, प्रदीप माने,कृष्णा सुरवसे आदींसह कार्यकर्ते उपस्थित होते.या वेळी शिवगंगा दोरवे,गवळण कांबळे,सुशीला घारुळे,कौशबाई वाघमारे,छबाबाई वाघमारे आदींसह शेकडो महिलांची उपस्थिती होती.