श्यामार्य कन्या विद्यालयातर्फे एसएससी बोर्ड परीक्षार्थींचे पुष्प देऊन स्वागत

उदगीर (एल.पी.उगीले) : संपूर्ण महाराष्ट्रभर एसएससी बोर्ड परीक्षेची सुरुवात झालेली आहे. श्यामार्य कन्या विद्यालय हे सुद्धा एसएससी बोर्ड परीक्षेचे केंद्र आहे. त्यानिमित्ताने एसएससी बोर्ड परीक्षार्थींचे स्वागत श्यामार्य कन्या विद्यालयाच्या मुख्याध्यापिका तृप्ती पंडित, पर्यवेक्षक प्रवीण भोळे यांनी पुष्प देऊन केले. ” 1 मार्च संस्थेचे माजी सल्लागार, विश्वस्त संदाविजय आर्य सरांचा जन्मदिवस या शुभदिनी दहावीच्या वार्षिक परीक्षांची सुरुवात होत आहे. सर्व परीक्षार्थीना श्यामलाल स्मारक शिक्षण संस्थेकडून शुभेच्छा देण्यात आल्या. ताण घेऊ नका, ताण दैऊ नका. कॉपीमुक्त परीक्षा व्हावी यासाठी सर्वांनी सहकार्य करण्याचे आवाहनही करण्यात आले. जीवनात अजून अनेक परीक्षांना छातीठोकपणे सामोरे जायचे आहे.” असा संदेश श्यामलाल स्मारक शिक्षण संस्थेचे संस्थाध्यक्ष सुपोषपाणि आर्य यांच्याकडून सर्व विद्यार्थ्यांना देण्यात आला.