बालाघाट तंत्रनिकेतन मध्ये उत्कृष्ट 2024 चे जल्लोषात उद्घाटन

अहमदपूर (गोविंद काळे) : बालाघाट तंत्रनिकेतन महाविद्यालयामध्ये यावर्षी वार्षिक स्नेहसंमेलन उत्कर्ष – 2024 चे आयोजन करण्यात आले आहे या कार्यक्रमाचे उद्घाटन सरस्वतीच्या प्रतिमेचे पूजन करून संस्थेच्या संचालिका शिवालिका ताई हाके यांच्या हस्ते करण्यात आले. प्रत्येक वर्षी बालाघाट तंत्रनिकेतन च्या वतीने संस्थेचे अध्यक्ष गणेश हाके यांच्या मार्गदर्शना मधून वार्षिक स्नेहसंमेलनाचे आयोजन करण्यात येते यामध्ये कबड्डी,खो-खो, व्हॉलीबॉल, बॅडमिंटन, इत्यादी मैदानी खेळाबरोबर आनंद नगरी व सांस्कृतिक कार्यक्रमाचे आयोजन करण्यात आलेला आहे. सांस्कृतिक कार्यक्रमाबरोबर सर्व खेळांमध्ये विद्यार्थी हिरीरीने सहभाग नोंदवतात तसेच संस्थेचे कोषाध्यक्ष अमरदीप हाके हे सर्व विद्यार्थ्यांना सर्व सुविधा देण्याचे मोलाचे कार्य पार पाडतात.
या उद्घाटन प्रसंगी प्राचार्य स्वप्निल नागरगोजे, औद्योगिक प्रशिक्षण संस्थेचे प्राचार्य मदन आरदवाड सर्व विभागाचे विभाग प्रमुख सर्व प्राध्यापक व प्राध्यापक इतर कर्मचारी तसेच स्पर्धेमध्ये सहभागी सर्व खेळाडू व महाविद्यालयातील विद्यार्थी मोठ्या संख्येने उपस्थित होते.