राष्ट्रवादी युवक काँग्रेसच्या महाराष्ट्र प्रदेश उपाध्यक्षपदी इम्तियाज शेख यांची निवड

उदगीर (एल.पी.उगीले) : उदगीर येथील राष्ट्रवादी काँग्रेसचे धडाडीचे युवा कार्यकर्ते इम्तियाज शेख यांची निवड राष्ट्रवादी युवक काँग्रेसच्या प्रदेश उपाध्यक्षपदी करण्यात आली आहे. राष्ट्रवादी काँग्रेस पार्टीचे राष्ट्रीय अध्यक्ष तथा राज्याचे उपमुख्यमंत्री ना. अजितदादा पवार , राष्ट्रवादी काँग्रेस पार्टीचे प्रदेशाध्यक्ष खा.सुनील तटकरे यांच्या सूचनेवरून महाराष्ट्र राज्याचे क्रीडा व युवक कल्याण मंत्री ना. संजय बनसोडे,अहमदपूर विधानसभा मतदार संघाचे आमदार बाबासाहेब पाटील, छ. संभाजी नगर शिक्षक मतदार संघाचे आमदार विक्रमजी काळे, राष्ट्रवादी काँग्रेस पार्टीचे प्रदेश सरचिटणीस व्यंकट बेद्रे ,राष्ट्रवादी काँग्रेस पार्टीचे लातूर जिल्हाध्यक्ष अफसर बाबा शेख व राष्ट्रवादी काँग्रेस पार्टीचे लातूर जिल्हा कार्याध्यक्ष पंडीतराव धुमाळ यांच्या शिफारसी नुसार राष्ट्रवादी युवक काँग्रेसचे प्रदेशाध्यक्ष सूरज चव्हाण यांनी राष्ट्रवादी युवक काँग्रेसच्या महाराष्ट्र प्रदेश उपाध्यक्षपदी उदगीर येथील राष्ट्रवादी काँग्रेसचे युवा कार्यकर्ते इम्तियाज शेख यांची नियुक्ती केली आहे. त्यांना मुंबई येथील राष्ट्रवादी काँग्रेस पार्टीच्या मुंबई येथील प्रदेश कार्यालयात महाराष्ट्र राज्याचे क्रीडा व युवक कल्याण मंत्री ना. संजय बनसोडे यांच्या हस्ते नियुक्तीपत्र देण्यात आले. या वेळी राष्ट्रवादी महिला काँग्रेसच्या प्रदेशाध्यक्षा रूपालीताई चाकणकर व राष्ट्रवादी युवक काँग्रेसचे प्रदेशाध्यक्ष सूरज चव्हाण आदी उपस्थित होते. या निवडी बद्दल राष्ट्रवादी काँग्रेस पार्टीचे शहराध्यक्ष समीर शेख, प्रा श्याम डावळे, प्रा प्रवीण भोळे, प्रदीप जोंधळे, अभिजीत औटे, शफी हाशमी आदीनी अभिनंदन केले आहे.