प्रहार महिला आघाडीच्या वतीने जागतिक महिला दिन साजरा

उदगीर (एल.पी.उगीले) : जागतिक महिला दिनानिमित्त उदगीर येथील विविध क्षेत्रातील जिवनाशी दोन हात करणाऱ्या धाडसी व आत्मनिर्भर महिलांचा प्रहार जनशक्ती पक्ष महिला आघाडीच्या वतीने साड़ी चोळी व शाल, श्रीफल देऊन येथोचित सत्कार करण्यात आला . समता नगर रेल्वे फाटक विभागाचे बनशेळकी रोड येथील रेल्वे गेटवरील महिला कर्मचारी भाग्यश्री गोखले व मनीषा कांबळे आणि एसटी महामंडळ येथील कंडक्टर मंदाकिनी कराड लातूर डेपो,आणि गीता परगे, उदगीर डेपो, उषाबाई मिनकीकर(शुज दुकान समता नगर ),पूजा घटकार (शेतकी निवास चौक),छत्रपती शिवाजी महाराज चौक येथे अनेक वर्षों पासून पालेभाज्या विक्रेत्या दिव्यांग महिला व उदगीर येथील गेली दोन दशक गाडगे विक्रेत्या खाला मावशी यांचा सत्कार करण्यात आला. यावेळी प्रहार महिला जिल्हा उपाध्यक्ष प्रेमलता भंडे, तालुका सरचिटणीस जयश्री चव्हाण, उपाध्यक्ष श्रीदेवी बिरादार, संघटक शोभा बिरादार, प्रहार सेविका रेखाताई, कोळी लता,उपजिल्हा प्रमुख विनोद तेलंगे, जिल्हा प्रवक्ते बडेप्पा पडसलगे, तालुका अध्यक्ष रविकिरण बेळकुंदे,शहर अध्यक्ष महादेव मोतीपवळे, सचिव बालाजी बिरादार,बस्वराज स्वामी, चव्हाण दाजी यांच्यासह प्रहार जनशक्ती पक्षाचे पदाधिकारी उपस्थित होते.