महात्मा फुले महाविद्यालयाने केला सुषमाताई केंद्रेंचा सत्कार

अहमदपूर (गोविंद काळे) : येथील महात्मा फुले महाविद्यालयास सुषमाताई अशोकराव केंद्रे यांनी सदिच्छा भेट दिली त्यावेळी महा विद्यालयाचे प्राचार्य डॉ. वसंत बिरादार पाटील यांनी त्यांचा सत्कार करून पुढील सामाजिक कार्यासाठी शुभेच्छा दिल्या. याबाबतचे सविस्तर वृत्त असे की सुषमाताई केंद्रे ह्या जिल्हा परिषद लातूरचे माजी सदस्य अशोकराव केंद्रे तसेच पंचायत समिती अहमदपूरच्या माजी सभापती सौ अयोध्या ताई केंद्रे यांच्या सुकन्या आहेत. आई-वडिलांकडून सामाजिक कार्याचा वसा त्यांना लाभला असून त्या पुणे येथे सामाजिक संस्थेच्या माध्यमातून सक्रियपणे समाज कार्य करतात. त्यांनी महात्मा फुले महाविद्यालयास सदिच्छा भेट दिल्याबद्दल प्राचार्य डॉ‌. वसंत बिरादार पाटील यांनी त्यांचा यथोचित सत्कार करून पुढील सामाजिक कार्यासाठी शुभेच्छा दिल्या.
यावेळी उपप्राचार्य प्रो. डॉ. दुर्गादास चौधरी , समाजशास्त्र विभागप्रमुख डॉ. सतीश ससाणे, पंचायत समिती अहमदपूरच्या माजी सभापती सौ. अयोध्याताई केंद्रे , रुई (द.) येथील सामाजिक कार्यकर्ते गणेश मामा पांचाळ आदींची उपस्थित होती.