किडझी स्कुल चे "झाँकी हिंदुस्थान की" वार्षिक स्नेह संमेलन उत्साहात

उदगीर (एल.पी.उगीले) : येथील किड्झी स्कूल चे वार्षिक स्नेह संमेलन नुकतेच उत्साहात पार पडले. कार्यकमाचे अध्यक्ष कार्यकारी अभियंता गोविंदराव गुरुडे होते, तर प्रमुख अतिथी म्हणून धनंजय गुडसूरकर , सौ. अनिता येलमटे, डॉ. नितीन गुरुडे, शाळेच्या प्राचार्या सौ . स्वाती गुरुडे ,तसेच पालकांचे प्रतिनिधी म्हणुन माधव जानते व सौ. ज्योती जानते या होत्या.
दरवर्षी वेग वेगळ्या थीम वर किड्झी चे स्नेह संमेलन पार पडत असते . ह्या वर्षीचे थीम “झांकी हिदुस्थान की” हे होते . त्यामध्ये आपल्या भारत देशातील वेगवेगळ्या राज्यातील संस्कृतीच्या कला अविष्काराचे दर्शन व उत्कृष्ट असे सादरीकरण शाळेच्या मुलानी केले. तसेच आपल्या देशातील थोर स्वातंत्र्यवीरांचेही योगदान नृत्य कलेतुन दाखविण्यात झाले . सकाळच्या सत्रामध्ये मुलांसाठी व मुलांच्या आईसाठी फॅनसी ड्रेसचे आयोजन करण्यात आलेले होते . कार्यक्रमाचे प्रास्ताविक प्राचार्य मनोज गुरुडे यांनी केले . विधार्थानी शैक्षणिक गुणवत्ते सोबत आपले कलागुण ही जोपासावेत असे प्रतिपादन गुडसूरकर यांनी मार्गदर्शनात सांगितले . मुलाच्या सर्वांगीण विकासासाठी शाळे सोबत पालकांनी ही लक्ष द्यावे. असे प्रतिपादन सौ . येलमट्टे यानी केले . कार्यक्रमाचे सुत्रसंचलन सौ स्वाती गुरुडे व प्रा रामदास मलवाडे यांनी केले . कोरीओग्राफर म्हणून आकाश व अमित यांनी उत्कृष्ट डान्स मुलांकडून बसवून घेतलेले होते . कार्यक्रमाच्या यशस्वीते साठी सौ शिल्पा गिरी, आफ्रीन खुरेशी, कल्पना कांबळे , सोनाली अनंतवाळ, भाग्यश्री पाटील , अनुराधा खानापूरे , रफीका दायमी, राधा पांचाळ, सो वनिता, सुर्यभान केंद्रे, बाळू तांबाळकर यांचे सहकार्य लाभले. कार्यक्रमामध्ये शाळेचे विधार्थी व पालक मोठ्या संखेने उपस्थित होते . शेवटी राष्ट्रगिताने कार्यक्रमाची सांगता झाली .