एकनाथ षष्टी निमीत्त शनिवारी आणि रविवारी वाढवणा येथे विवीध धार्मिक कार्यक्रम

उदगीर (एल.पी.उगीले) उदगीर तालुक्यातील वाढवणा (बु.) येथे शांती ब्रम्ह एकनाथ महाराज यांची षष्टी गेल्या 40 वर्षा पासून बिरादार कुटुंबिय अविरत करत आसून या निमीत्त शनिवारी आणि उद्या रविवारी विवीध धार्मिक कार्यक्रमाचे आयोजन करण्यात आले आहे.
वाढवणा बु येथील विधीज्ञ दिगंबरराव बिरादार हे गेल्या 40 वर्षांपासून सतत शांती ब्रम्ह एकनाथ महाराज यांची एकनाथ षष्टी करत आहेत.याही वर्षी या निमीत्त शनिवारी रात्री 9 ते 11 ह.भ.प.गणेश महाराज किणीकर यांचे किर्तन होणार आहे.तसेच रात्री 12 ते पहाटे 4 वाजेपर्यंत हरी जागर, गवळणी, भारूडाचा कार्यक्रम होणार आहे.तसेच रविवारी सकाळी 9 ते 11 सेवा निवृत्त मुख्याधिकारी इंद्रजीत देशमुख यांचे व्याख्यान, 11 ते 1 ह.भ.प.नामदेव महाराज उमरगेकर यांचे गुलालाचे किर्तन होणार आहे. या किर्तना नंतर महाप्रसादाचे वाटप करण्यात येणार आहे.या कार्यक्रमाला परिसरातील भाविक,भक्तांनी यावे. असे आवाहन प्रा.प्रविण बिरादार, विधीज्ञ प्रमोद बिरादार, बिल्डर प्रशांत बिरादार यांनी केले आहे.