महात्मा फुले महाविद्यालयातील जलक्रांती करणा-यांना कर्मचारी बांधवांना विविध पुरस्कार प्रदान

अहमदपूर (गोविंद काळे) : येथील महात्मा फुले महाविद्यालयाच्या ‘ग्रीन क्लब’ व ‘भूगोल विभागाच्या’ वतीने आयोजित करण्यात आलेल्या ‘जागतिक जल दिना’ चे औचित्य साधून महाविद्यालयातील जलक्रांती करणा-यांना जलनायक जल दूतांचा विविध पुरस्कार देऊन मान्यवरांच्या हस्ते सन्मानित करण्यात आले.
याबाबतचे सविस्तर वृत्त असे की, या कार्यक्रमाच्या अध्यक्षस्थानी किसान शिक्षण प्रसारक मंडळाचे उपाध्यक्ष माधवराव पाटील हे होते. तर प्राचार्य डॉ वसंत बिरादार पाटील यांची प्रमुख उपस्थिती होती. तसेच प्रमुख मार्गदर्शक म्हणून भूजल सर्वेक्षण आणि विकास यंत्रणा पंचायत समिती अहमदपूर च्या अनुजैविक तज्ज्ञ श्रीमती एस के चव्हाण यांची उपस्थिती होती. तर उपप्राचार्य डॉ.दुर्गादास चौधरी, कार्यक्रमाचे संयोजक डॉ. दिगंबर माने आदी उपस्थित होते.
जागतिक जल दिनाचे औचित्य साधून महाविद्यालयात पाणी आडवा – पाणी जिरवा ही योजना राबवून ‘सुंदर महाविद्यालय, स्वच्छ महाविद्यालय व हरित महाविद्यालय ‘ निर्माण करण्यात आपले योगदान देणाऱ्या महाविद्यालयातील कार्यालय प्रमुख प्रशांत डोंगळीकर यांना ‘जल नायक ‘ , वामनराव मलकापूरे यांना ‘जल रक्षक’, शिवाजी चोपडे यांना ‘जल दूत’ व चंद्रकांत शिंपी यांना ‘जल मित्र ‘ पुरस्कार मान्यवरांच्या हस्ते देऊन सन्मानित करण्यात आले.
यावेळी जल तज्ज्ञ श्रीमती एस. के. चव्हाण यांनी प्रात्यक्षिकासह मार्गदर्शन केले. तर कार्यक्रमाचा अध्यक्ष समारोप प्राचार्य डॉ वसंत बिरादार पाटील यांनी केला.
या कार्यक्रमाचे प्रास्ताविक कार्यक्रमाचे संयोजक डॉ. डी. एन. माने यांनी केले व सूत्रसंचालन ह.भ.प. प्रो.डॉ. अनिल महाराज मुंढे यांनी केले तर आभार डॉ. सचिन गर्जे यांनी मानले. यावेळी महाविद्यालयातील सर्व प्राध्यापक, कार्यालयीन कर्मचारी व विद्यार्थी मोठ्या संख्येने उपस्थित होते.