चुनावी पाठशाळेतून यशवंत विद्यालयात मतदार जनजागृती

अहमदपूर (प्रतिनिधी) : भारत निवडणूक आयोगाच्या वतीने ७ मे रोजी होणाऱ्या लोकसभा निवडणूकीत लोकशाहीचा सोहळा अधिक चांगला व्हावा. मतदानाची टक्केवारी वाढावी म्हणून यशवंत माध्यमिक व उच्च माध्यमिक विद्यालय अहमदपूर व स्वीप पथकाच्या वतीने विद्यालयात चुनावी पाठशालेचे आयोजन करण्यात आले होते.
चुनावी पाठशालेत प्रत्यक्ष मतदान बूथ चे नियोजन करण्यात आले.या मतदान बूथचे उद्घाटन सहाय्यक निवडणूक निर्णय अधिकारी मंजुषा लटपटे, तहसीलदार शिवाजी पालेपाड,नोडल अधिकारी गटशिक्षणाधिकारी बबनराव ढोकाडे या मान्यवरांच्या हस्ते करण्यात आले.या कार्यक्रमाला प्राचार्य गजानन शिंदे,उप प्राचार्य मुज्जमिल सय्यद, उपमुख्याध्यापक राजकुमार घोटे, पर्यवेक्षक अशोक पेद्देवाड,रामलिंग तत्तापुरे प्रा.विश्वभंर स्वामी, प्रा.शिवशंकर पाटील,प्रा.बालाजी कारामुंगीकर,कपिल बिरादार,श्रीधर लोहारे उपस्थित होते. यावेळी उद्घाटनपर भाषणात मंजुषा लटपटे यांनी प्रत्यक्ष मतदान केले.व पुढे म्हणाल्या की, नव तरुण मतदार बंधूना या पाठशालेत मिळणाऱ्या अनुभवातून येणाऱ्या ७ मे तारखेला मतदानाचा टक्का वाढेल व भावी मतदार बंधूना मतदानाचा अनुभव मिळेल, यातून नक्कीच जनजागृती होईल. या उद्देशाने स्वीप उपक्रमांतर्गत हा चुनावी पाठशालेचे भावी मतदारांना लाभ होईल असे मत मांडले.तहसीलदार शिवाजी पालेपाड यांनी पाठशालेतील झोनल ऑफिसर ओंकार बालाजी डुबुकवाड, केंद्राध्यक्ष कृष्णा विजय पांचगे, मतदान अधिकारी 1 समृद्धी बालाजी कांबळे, मतदान अधिकारी 2- हुमेरा इकबाल शेख , मतदान अधिकारी 3-सुप्रिया शिवाजी गायकवाड , या सर्वांचे कौतुक केले.गटशिक्षणाधिकारी बबनराव ढोकाडे यांनी प्रत्यक्ष अनुभव घेणारे नव तरुण मतदार बांधव व बुध वरील कर्मचारी म्हणून कार्य केलेले विद्यार्थी यांना शुभेच्छा दिल्या. स्वीपच्या वतीने विविध उपक्रम घेऊन मतदार जनजागृती करण्यात येत आहे. हा उपक्रम यशस्वी करण्यासाठी मास्टर ट्रेनर के.एल.काचे यांनी बुथ वरील नव तरुण अधिकारींना मतदानाविषयी सविस्तर माहिती दिली.
कार्यक्रम यशस्वी करण्यासाठी स्वीपचे सदस्य राज्यपुरस्कार प्राप्त कलाशिक्षक महादेव खळुरे,शिवकुमार गुळवे,मोहन तेलंगे,बस्वेश्वर थोटे,पुरुषोत्तम काळे, नागनाथ स्वामी,श्रीमती अर्चना माने यांच्यासह विद्यालयातील शिक्षक शिक्षकेत्तर कर्मचारी उपस्थितीत होते. कार्यक्रमाचे प्रास्तविक प्राचार्य सय्यद यांनी केले तर सुत्रसंचलन बालाजी कारामुंगीकर यांनी तर आभार कपिल बिरादार यांनी मानले.