मातृभूमीच्या माजी विद्यार्थ्यांची पीएसआय पदी निवड तीन नवनयुक्त पोलीस उपनिरिक्षकांचा केला सत्कार

उदगीर (एल.पी.उगीले) : मातृभूमी महाविद्यालयाचा माजी विद्यार्थी महेश जाधव यांची पोलीस उपनिरीक्षक पदी निवड झाल्याने मातृभूमी महाविद्यालयाच्या वतीने सत्कार करण्यात आला. तसेच उदगीर तालुक्यातील कुमदाळ खुर्द येथील दीपक घोगरे व हातराळ येथील
मंदार मारकवाड यांची पोलीस उपनिरीक्षक पदी निवड झाल्याने तर कुमठा खुर्द येथील रत्नाकर पांचाळ यांची तलाठी पदी निवड झाल्याने मातृभूमी प्रतिष्ठान शिक्षण प्रसारक मंडळाच्या वतीने सत्कार करण्यात आला.
यावेळी मातृभूमी प्रतिष्ठान शिक्षण प्रसारक मंडळ चे अध्यक्ष सतीश उस्तुरे, मातृभूमी महाविद्यालयाच्या प्राचार्य उषा कुलकर्णी, प्रा अश्विनी देशमुख याची उपस्थिती होती. मातृभूमी महाविद्यालयाने अभ्यासा बरोबरच जिद्द , चिकाटी व शिस्त, कष्ट करण्याची वृती,आत्मवीश्वस निर्माण केला. त्यामुळेच यश मिळाल्याचे महेश जाधव यांनी सांगीतले .पोलिस निरिक्षक पदी नियुक्त झालेले महेश जाधव, मंदार मारकवाड ,दिपक घोगरे , रत्नाकर पांचाळ यांनी कष्ट ,जिद्द व संयम बाळगल्यास यश मिळतेच असे सांगीतले.यावेळी सत्कारमूर्तींनी मातृभूमी प्रतिष्ठान शिक्षण प्रसारक मंडळ अध्यक्ष सतिश उस्तुरे व महाविद्यालयाचे आभार मानले.