महात्मा फुले क. महाविद्यालय कबनसांगवीची १०० % निकालाची परंपरा कायम

अहमदपूर (गोविंद काळे) : माहे फेब्रुवारी 2024 मध्ये झालेल्या बारावी बोर्डाच्या परीक्षेत इथून जवळच असलेल्या चाकूर तालुक्यातील कबनसांगवी येथील महात्मा फुले क. महाविद्यालयाचा १०० % निकाल लागला असून यशाची परंपरा कायम राखली आहे. याबाबत अधिक माहिती अशी की, महाराष्ट्र राज्य माध्यमिक उच्च माध्यमिक मंडळ पुणे अंतर्गत घेण्यात आलेल्या बारावी बोर्ड परीक्षेमध्ये कबनसांगवी येथील महात्मा फुले कनिष्ठ महाविद्यालयातील विद्यार्थ्यांचा शंभर टक्के निकाल लागला आहे. बोर्डाच्या परीक्षेत विज्ञान शाखेतून ७३ विद्यार्थी बसले होते सर्व विद्यार्थी उत्तीर्ण झाले आहेत. त्यात विषेश प्राविण्यात ०१, प्रथम श्रेणी ५२, व्दितीय श्रेणी २० विद्यार्थी उत्तीर्ण झाले आहेत. कला शाखेचाही शंभर टक्के निकाल लागला असून कला शाखेतून 30 विद्यार्थी परीक्षेस बसले होते. त्यात प्रथम श्रेणी १०, द्वितीय श्रेणी १८, उत्तीर्ण श्रेणी ०२ विद्यार्थी उत्तीर्ण झाले आहेत. विज्ञान शाखेतून गुणानुकमे सातानुरे दिव्या हिने ७६ .८३ % गुण घेऊन प्रथम येण्याचा मान मिळवला आहे. मुंगडे शर्वरी हिने. ७२.६७ % घेऊन द्वितीय आली आहे तर साळूंके अंजली ७२ .०० % गुण घेऊन तृतीय आली आहे. कला शाखेतून कसबे सूरज (प्रथम), सांगवे प्रणव (द्वितीय), फरकांडे अनिकेश ( तृतीय ) आले आहेत. सर्व यशस्वी विद्यार्थ्यांचे संस्थेचे अध्यक्ष डॉ.अशोकराव सांगवीकर, सचिव. दलित मित्र, शिक्षण महर्षी डि.बी. लोहारे गुरुजी, सहसचिव डॉ. सुनिताताई चवळे, प्राचार्य गंपले, प्रा. अंगद बोबडे, प्रा. अरूण खसे, प्रा. श्रीमती उषा सरवदे, प्रा. अर्चना इंचुरे, प्रा.पी.एन बिरादार, प्रा. संजय बिरादार, प्रा.गजानन वाडकर, सर्व शिक्षक, शिक्षकेतर कर्मचारी यांनी अभिनंदन करून पुढील वाटचालीस शुभेच्छा दिल्या आहेत.