महात्मा फुले महाविद्यालयात महाराणा प्रताप यांची जयंती साजरी

अहमदपूर (गोविंद काळे) : येथील महात्मा फुले महाविद्यालयात राष्ट्रीय सेवा योजना व सांस्कृतिक विभागाच्या वतीने मेवाड चे राजे महाराणा प्रताप यांची जयंती मोठ्या उत्साहात साजरी करण्यात आली.
याबाबतचे सविस्तर वृत्त असे की, मराठी साहित्याचे साहित्यिक तथा समीक्षक ज्येष्ठ शिक्षण तज्ज्ञ, महाविद्यालयाचे प्राचार्य डॉ. वसंत बिरादार पाटील यांच्या मार्गदर्शनाखाली आयोजित करण्यात आलेल्या महाराणा प्रताप जयंती कार्यक्रमाच्या अध्यक्षस्थानी प्रो. डॉ. अनिल मुंढे हे होते तर, प्रत्युष चिलगर यांची प्रमुख उपस्थिती होती. यावेळी मान्यवरांच्या हस्ते महाराणा प्रताप यांच्या प्रतिमेस पुष्प अर्पण करून अभिवादन करण्यात आले. यावेळी प्रो. डॉ. अनिल मुंढे यांनी महाराणा प्रताप यांचे तत्कालीन काळातील कार्याचा आढावा घेतांना म्हणाले की, महाराणा प्रताप यांनी विदेशी शक्तींना रोखण्यासाठी इतर भारतीय राज्यांची मदत घेऊन त्यांच्याशी लढा दिला. त्यांच्यामध्ये राष्ट्र अभिमान मोठ्या प्रमाणात दिसून येतो, असेही ते म्हणाले.
या कार्यक्रमाचे प्रास्ताविक व सूत्रसंचालन सांस्कृतिक विभाग प्रमुख डॉ. पांडुरंग चिलगर यांनी केले तर आभार अजय मुरमुरे यांनी मानले. यावेळी शिवाजी चोपडे यांच्यासह महाविद्यालयातील प्राध्यापक, कार्यालयीन कर्मचारी उपस्थित होते.