खा.काळगे यांच्या विजया निमित्त अभिषेक करून जल्लोष

उदगीर (एल.पी.उगीले) : लातूर लोकसभा मतदार संघातून भारतीय राष्ट्रीय काँग्रेस पक्षाचे डॉ.शिवाजी बंडप्पा काळगे प्रचंड बहुमताने विजयी झाल्यास अतनूर येथील संजीवन जिवंत समाधी घेतलेले श्री.घाळेप्पा स्वामी महाराज तथा काशी विश्वनाथ महाराज मठ संस्थानात सोमवारचा जल अभिषेकांने जल्लोष करण्याचा नवस बोललेले माजी सैनिक तथा काँग्रेस पक्ष समर्थक काँग्रेस जळकोट तालुका सरचिटणीस अरविंद सासट्टे अतनूरकर यांनी सोमवारी दि.१० जून रोजी सकाळी अभिषेकाचा कार्यक्रम संपन्न केला. तसेच छत्रपती शिवाजी महाराज चौकात कार्यकर्त्यांनी मोठया प्रमाणात हजेरी लावत ढोल ताशांच्या तालावर नाचत, फटाके वाजवून, पेढे व प्रसाद वाटप करित जल्लोष साजरा केला.
या वेळी काँग्रेस आघाडीच्या महिला जिल्हाध्यक्षा शीलाताई पाटील राजूरकर, राष्ट्रवादी काँग्रेसचे गजानन सताळकर, राष्ट्रवादीचे प्रदेश सचिव शिवाजी मुळे, बँकेचे संचालक तथा तालुका अध्यक्ष मारोती पांडे, ज्ञानेश्वर पाटील, कृषी उत्पन्न बाजार समिती जळकोटचे संचालक आशिष पाटील राजूरकर, शिवसेनेचे जळकोट तालुका प्रमुख मुक्तेश्वर पाटील, जळकोट तालुका सरचिटणीस तथा माजी सैनिक अरविंद सासट्टे अतनूरकर, ओबीसींचे तालुका सचिव गोविंद कोकणे, अतनूर तंटामुक्त अध्यक्ष मगदूम मुंजेवार, संग्राम घुमाडे, नितीन सोमुसे, कैलास सोमुसे-पाटील, शफियोददिन मुंजेवार, अकबर आत्तार, अहेमद शेख, पाटील सह अनेक नेते, कार्यकर्ते पदाधिकारी उपस्थित होते.