टायगर सेनाच्या शहर अध्यक्ष पदी फजल पठाण यांची निवड

उदगीर (एल.पी.उगीले) : येथील निडेबन वेस जवळ सय्यद चाँद दर्गा येथे टायगर सेनेच्या संपर्क कार्यालयात उदगीर शहरातील शहर कार्यकरणीची निवड करण्यात आली. यावेळी टायगर सेना शहर अध्यक्ष पदी फजल पठाण यांच्या सामाजिक कार्याची दखल घेत त्यांची सर्वानुमते निवड करण्यात आली. यावेळी टायगर सेना संस्थापक तथा राष्ट्रीय अध्यक्ष जॅकी सावंत व राष्ट्रीय महासचिव अजय सावंत यांच्या मार्गदर्शनाखाली निवड झाली. संघटनेचे ध्येय व उद्दिष्ट यावर विश्वास ठेवून काम करावा अशी अपेक्षाही याप्रसंगी व्यक्त करण्यात आली. ही निवड शहरातील अल्पसंख्याक शहर अध्यक्ष मोहम्मद जहागीरदार यांच्या नियोजनात झाली. शहरातील विविध ठिकाणच्या अनेक कार्यकर्त्यांच्या उपस्थितीत हा कार्यक्रम पार पडला. शहरातील कार्यकरणी नियुक्त करण्यात आली.